Foodie 生活雜誌

6/2019光顧

5/2019光顧

香港人做的高級西餐廳在香港唔多見，主張使用本地食材，撐本土，三百零蚊的3 course 午餐，擺盤精緻，味道可口，環境舒適，中環區競爭大，大廚為保持新鮮感，午市餐牌每星期轉換一次，真有魄力。

4/2019光顧

3/2019光顧

1/2019光顧

11/2018光顧

3/2018 光顧

2/2018 光顧

餐廳之前在元朗，後來因為租約問題，輾轉落户渣甸山居民協會。餐廳裝修有如雪山下的小木屋，好温馨舒適。晚餐係套餐形式，餐湯、頭盤、主菜、甜品各選一，包飲品。廚師係法國人，15歲開始做廚，所煮的都係傳統西餐，菜式唔花巧，食材新鮮，廚功扎實，一頓好實在的晚餐。

11/2017光顧

10/2017光顧

素聞WHISK 的午市套餐抵食又好食，終於安排一次同太后來食。餐廳裝修可能因為用色關係，有點殘舊，而且枱與枱之間距離近，我坐近通道，成日被侍應碰到張櫈，感覺麻麻。除此以外，問題不大。set lunch餐牌內starter，main course 同dessert 各有幾款菜色選擇，可以揀2 courses、3 course、4 course套餐，部份菜色要另外加錢。套餐包果汁或餐前酒，咖啡或茶，頭盤精緻，main course 大大份，味道好，指定信用咭仲有85折，真係幾抵食。

3/2017 光顧

之前分別食過lunch同dinner，一間質素與出品成正比的餐廳。最近餐廳搬左，借個藉口又去過。新環境感覺比之前高級，枱與枱之間唔太密，氣氛輕鬆，感覺良好，另有private room及露台，地方唔錯。晚餐食set，唔使諗。菜色唔花考，食材好，煮法簡單唔雕花，實實在在地食一餐，無話好食到識飛，但一定係穩陣之選。最怕某些講勁過煮的餐廳，每次上菜侍應似背書咁講一輪，我又要禮貌地耐心聽，大家辛苦。

1/2017光顧

連續兩晚在荔枝角晚餐，兩晚都係中價西餐，雖然價錢相差三份一，但質素差得遠。貴d呢間開左幾年，剛開業時荔枝角並未好似今日咁興旺，路過見到個水晶燈裝飾格局，價錢又唔平，心諗都唔荒做得耐，點知餐廳直到今時今日仍健在，應該有d料到，又試下。菜式設計平實得來有諗過，煮功扎實唔花巧，用料質素好，味道唔錯，起碼同價錢成正比。若住在區內想食餐似樣的西餐，又唔想出外，呢度係一個選擇。

11/2016 光顧

知道餐廳的午餐對比起同類型fine dining 來講唔算貴，又在九龍，當然要試下。午餐可選2至4個course，最貴都係$488，有d菜式要額外加錢。假日的Brunch menu 平少少，但選擇亦都有點不同。食物不俗，但唔會有驚喜，擺碟清簡，整個餐份量充足，我點左4個course，飽到上心口。在熟齡影響下，下次點3個course 好了。餐廳室內面積唔大，另有室外雅座，氣氛輕鬆。對比起城中幾間著名法國菜的lunch set，呢間形式係一樣，但服務態度麻麻，而且成件事唔夠精緻。不過地點就腳價錢又平一截，都算值得，等轉menu 可以再來。

(餐廳開在灣仔街市內，門面低調，裝修簡單，心思都放在食物上。)

9/2016 光顧

(地方高雅簡單，似去人地屋企食飯)

8/2016光顧

8/2016光顧

8/2016 光顧 

希望愈大失望愈大的一間餐廳。book位時要信用卡確認，又send 個長長email 講cancelation policy，搞到好大笨象咁，去到原來只得幾枱客。餐廳地方舒適，氣氛casual，每人點左個3 course 餐，侍應將每道菜形容到係人間美食，可惜廚師配合唔到，無論擺碟同食味都普通，感覺over price。

10/2015 光顧

灣仔船街差不多成條街都係食，以西餐為主，間間不同國家，今次我去法國。與朋友午餐，大家同樣點左個burger套餐，green salad 加薯仔加burger。薯仔有幾種煮法，我地分別選擇牛油焗同薯批。食物簡單但好味，值唔值得二百個大洋食個唔包飲品的餐就各下自決了。雖然薯仔無限添，但食得幾多？