🍁9/2015光顧 L'atelier de Joel Robuchon
窮風流又出動，今次係另一間法國菜，L'atelier de Joel Robuchon。餐廳的特色係open kitchen，以吧枱坐位為主，可以睇住廚師表演，但我今次人多，所以餐廳安排左房間比我，仲有一個非常友善同對菜式有充分了解的Amy小姐serve我地，最重要係講中文！文盲的我即時點得放心，食得開心，由於坐房，更可以每事問，呢餐真係食得暢快！法蘭西菜好精緻，每碟菜都的的式式，但其實好花心思，我型容唔到咁多，只能寫個大概，相簿內有菜牌可供參考，但菜式同當日有少少出入。法蘭西菜一向比我的印象係又貴又細碟，得個靚字，仲要食得拘謹，加上自己英文唔好，怕失禮，可幸近年有價錢平一點的午餐，亦多左好多本地人serve (自由神帶來的好處?)令我可以跨過心理同金錢上的障礙，亦愈來愈喜歡，因為每次都會期待有何驚喜。
Hearoom 發表在 痞客邦 留言(0) 人氣()
Hearoom 發表在 痞客邦 留言(0) 人氣()
4/2015 光顧
城中熱門米芝蓮星星法國餐廳，窮風流的我，當然繼續食lunch。作為星星餐廳，價錢算親民，由三百零蚊3個course 至四百零蚊5個course 。環境都係而家最興的有型cozy裝飾，有花園位，亦有private room。 唔算難book，早一日訂都有位，不過只能被安排坐吧枱，坐位算舒適。但個open kitchen 就令我對呢間餐廳大打折扣。呢類餐廳隊team 通常好似on stage 咁，認真有型地煮嘢食。但呢team人一睇套制服就知型唔起，頂帽居然係紙帽，仲要係中間有層薄紗透氣的，配埋套白色衫，以為去左食高級燒臘！加上個個煮到hea下hea下咁，全無台型，煮出來的食物點會好食？就算型仔主廚出來見到我食mussel無匙用，親自叫人幫我攞匙都救唔番。想做高級，靠一個人點得？食物麻麻，成個餐牌只可揀到三個course，(我通常一定點5個course) 服務亦唔專業，我點的菜售罄都唔通知我，我見廚房煮來煮去都無我點的，唔對路，問下至知。作為一間星級餐廳，我覺得係唔應該出現呢個狀況。不過見開飯網好評如潮，應該係我唔識欣賞？定係lunch平d,所有嘢都降grade？
Hearoom 發表在 痞客邦 留言(0) 人氣()
店子在銅鑼灣商厦內，地方骨子，原本諗住又係果d中價standard味道餐廳，點知又唔錯喎。$460 有 5個course, 免開瓶費，幾抵食。我地另加每人兩隻生蠔，夾埋每人唔使六百。7點坐到11點，無人趕你走，我想去的Catalunya 成千銀一位都只可以食7-9，呢度算係咁。只收現金，菜單不時更換。
Hearoom 發表在 痞客邦 留言(0) 人氣()
Hearoom 發表在 痞客邦 留言(0) 人氣()
其實呢間餐廳已係一年前光顧，當時感覺良好，但一直未找到時間再幫襯 (食在香港，實在太多選擇！)。餐廳高級得來氣氛又唔拘謹，有靚景，最啱慶祝紀念日時來食番餐。餐牌都係大路菜式，無玩花臣，因為食材好而且新鮮， 所以食物質素不俗，我地當晚點左beef carpaccio, lobster salad, sea bass, pasta 等， 全部都好味，但甜品就較普通。
環境一流, 當晚一行五人, 坐在半開放的房間, 圓枱, 易傾偈又有點私隱.
Hearoom 發表在 痞客邦 留言(0) 人氣()
慕名一嘗此店。雖然是咖啡座，不是坐在鋪位內，但因為在商場角落，所以也算清靜。這餐廳不設訂坐，我當天不是假期，約兩點到達，不用排隊。這裡主要吃輕食，麵包，pastry。無餐廳般高級，很輕鬆。我們一行四人，點了四個熱食，再加一個high tea set share 已經非常飽。
食物方面，恕我詞窮，只能講句：「全部都好好味」！一開始的餐前麵包已經很好吃，聽説晚餐的麵包籃有十多款選擇，有機會真要一試！
Hearoom 發表在 痞客邦 留言(0) 人氣()
食物可以。其中洋蔥湯分量十足，多芝士，深得我心。沙律菜新鮮，其他的食物就普通。這裡裝修同氣氛都好有法式小館的情調，要嘗新都是一個不俗的選擇，但性價比不高。
Hearoom 發表在 痞客邦 留言(0) 人氣()
上次路過，被這裝修優雅的小店吸引，再看網上評語不俗，又試試。餐廳內裡與外表一樣，簡潔又有温暖感，很有法式小店的感覺，情調很好，適會兩小口或三數知己聚會。
Hearoom 發表在 痞客邦 留言(0) 人氣()
香港食食食 (25)
