Foodie 生活雜誌

無諗過商厦內的餐廳環境會咁好。餐廳樓底高，美式懷舊裝修，加上聖誕節，氣氛好好。食物唔算出色，而且份量較少，不過pasta唔錯，坐得幾舒服，有機會再來試下pasta。

之前經過呢間開喺後巷的意大利餐廳，感覺良好，擇日來試，餐廳走casual路線，幾款食物都唔錯，不過餐廳半開放，夏天來應該幾熱😅

地中海菜，brunch menu 有多款菜式，頭盤四款，main course 四選一，加埋sides 及甜品，好豐富。食物味道不俗，食材新鮮，套餐連加一四百零蚊，幾抵食。侍應服務好好，可惜唔夠人手，有時都要等下，太后仲想催人，我叫佢咪亂嚟，而家有人肯做已感激，咪再催三催四，佢都同意，立即收聲，乖乖地等。

其實我一向對扒房的興趣不大，不過喺網上見到個weekend brunch幾吸引就book左。starter 四款食物，appertizer , main, sides, dessert 各選一款，每款菜式都好飽肚，若係大胃王就啱哂。食物質素平平，可能始終唔喜歡太飽太膩的食物，好似投入唔到咁。不過餐廳幾靚，慢慢食，無比人催，由十二點坐到四點至走，幾舒服。呢間餐廳多年前食過一次，多年後再幫襯，都係覺得唔啱我😅

4/2023光顧

西式創作料理，小小的餐館，由幾位年輕人主理，菜式幾有心思，味道都唔錯，只係碟頭細左d。我去的時候係四月，餐廳未有酒牌，可自携酒水，免開瓶費，之後就唔知了。餐牌每幾個月轉一次，飲下酒食下小食都幾好。

3/2023光顧

一般西餐廳，當晚只點左三款食物: Pizza、Pasta 及蛋糕，Pizza出品不俗，其他普通。值得一提的係餐廳的地點，開喺九龍灣及牛頭角中間，觀塘海濱近兒童醫院嗰邊，位置非常吊腳，兩邊地鐵站行過來都要十幾分鐘，沿途無遮無掩，不過有泊車優惠，所以揸車來會好d。可能大厦主要租户係JP Morgan，所以成個配套高級哂。樓下cafe 係Fuel espresso 唔係沙北，樓上幾間西餐廳，有露天位有happy hour ，好西化，喺附近番工的朋友想揾個靜靜地的地方食飯，不妨考慮下呢個場。

11/2022 光顧

8/2022光顧

餐廳之前係韓國菜HANSIK KOO，難怪咁熟面口。意大利餐廳，頗多內臟菜式供應，幾特別。食物味道好，由頭盤到甜品都幾喜歡，仲有好幾樣菜式想試，可以再來。除左正式餐牌外，仲有today special menu，記得問下侍應。

8/2022光顧

多年前食過兩次晚餐，感覺良好，好耐無去，今次再訪，試下個lunch。多年無來，餐廳無轉手，但廚師轉左，可幸食物水平依舊不俗，午餐分3course 或4course ，因為份量唔細，今次食左3course，價錢合理，可以一試。

7/2022光顧

酒店內的老字號意大利餐廳，四舊水一個four course午餐，以酒店餐廳來講算抵食，菜式大路，味道中規中矩，分量好慷慨，位置就腳，環境舒適，不過以酒店水平，服務水準就差左d。

7/2022光顧

casual 意大利餐廳，地方濶落，氣氛輕鬆，有渡假感覺。食材新鮮，醬汁香濃，食物味道不俗，可惜份量太細，碟碟都似一人份，諗住全部食物都係細細碟，點知最後點的提拉米蘇卻又大大碟，真係估佢唔到

7/2022光顧

可能區內人多，所以好多食肆都爆棚，幾次經過都見到呢間餐廳高朋滿座，入開將軍澳又試下。結果食物水準非常一般，試過就算。

5/2022光顧

意式小店，開左十年，以前係薄餅店，初開業時幫襯過幾次，出品不俗，之後因為貪新忘舊，好多年無來了。因為舊樓清拆，餐廳喺對面街搬過來，新裝修帶點地中海風，餐牌選擇比以前多，當日點的食物全部都好味，平日的午市套餐好抵食，等我帶喜歡pasta的太后去多次先。

5/2022 光顧

4/2022 光顧

標榜賣手工意大利粉，餐牌上多款不同類型pasta選擇，貓耳朵、薯仔粉團、德國麵疙瘩、雲吞、寬麵、長通粉…….似睇旅遊節目意大利婆婆家廚房煮的麵食，有家庭feel，即係無擺盤，就咁pasta撈醬汁的style。pasta有咬口，醬汁香濃，簡單飽肚。外國人廚師好友善，可惜侍應服務態度差，我唔會再去。

2/2022光顧

午市套餐幾扺食，三個course 加coffee，連加一，三百蚊鬆d，食物味道ok，環境舒適，無限時又食得飽，不妨一試。

11/2021光顧

餐廳賣點係居高臨下的海景view，總廚來自西西里島，所以餐牌內海鮮菜式較多。pasta好食，其他食物味道不俗但無驚喜，感覺平凡，有點失望。午市套餐4 course唔包飲品，所以若來食飯真係要book窗邊位至值。

10/2021 光顧

好耐無去梅窩，而家區內有好多餐廳，當日入去食lunch，介紹話餐廳pizza唔錯，一於試下。餐廳近海，半開放式坐位，若停車場無泊車的話，可以嘆住海景食飯，爽YY。幾個年經人經營的小店，出品不俗 ，pizza確係唔錯，但pasta 就一般。有機會去梅窩可以去試下。

10/2021光顧

好耐之前來食過brunch，質素不俗價錢平，印像中冷盤同Tiramisu都唔錯，抽起條筋想食Tiramisu ，一條友來食個brunch，可惜水準下降左好多，有點失望，無下次了。

8/2021光顧

意大利餐廳加酒吧，環境幾舒服，有露台位，唔食飯都可以飲杯嘢chill 下。食物味道不俗，午餐幾抵食。若以食物計，未必吸引到我再來。但餐廳的服務卻令我窩心。話說幫襯當日落好大雨，我無帶傘，淋到濕晒，上到去餐廳侍應立即接左我滴水的風褸幫我放後欄掛起晾乾，再比暖水及紙巾，好細心。為咗呢個優質服務，我唔介意再來。