近來無去行山，一來遠，二來唔敢一個人行，但若約人行，要就來就去又煩，諗諗吓，喺市區搵地方散步算了，整番個#陳食食市區散步系列先。頭炮係由荃灣行入汀九(頭炮，講到好勁咁，希望會有第二炮)，由荃灣海濱公園出發，沿住海邊行，而家海濱開左單車徑，又有隻癲噹公仔做裝飾，整條路佈置得幾靚㗎，單車徑只去到麗城，之後就要行馬路旁的行人路，可能另一邊係海，感覺廣濶，都行得幾舒服，行到汀九坐車出番荃灣食嘢，全程個零鐘，啱我。不過我係上個月行的，而家咁熱，我都係入番沾房涼住冷氣行跑步機好了。
目前分類：新界區 (5)
- Jul 04 Sun 2021 12:08
市區散步 ： 荃灣海濱至汀九
- May 07 Sun 2017 23:00
漫步香港 ： 屏山一天遊
(景點 : 屏山文物徑/屏山天水圍公共圖書館/天盛街市)
今次我出trip 同小朋友去參觀圍村。喺急速發展的今天，舊建築已買少見少，難得屏山文物徑沿途仍有保留完整老屋、祠堂等，好值得參觀。以往去天水圍似番鄉下，今時今日完全唔同，旺過旺角，交通方便，坐西鐵直達，天水圍站落車，區內好多新落成的社區設施又新又靚，例如屏山天水圍公共圖書館，設計簡潔有型，有空中花園可以於户外閱讀，館內空間足，樓底高，採光度十足，好舒服，最欣賞兒童圖書館的幼兒圖書閣，有個地台，可以比小朋友無拘無束地睇書，超正。最後可以去天盛街市，感受一下新時代的進化豪華版街市。行下食下玩下又一天(餐廳小食會再分享)
- Mar 14 Tue 2017 23:23
漫步香港 ： 馬屎洲@大埔
漫步香港 ： 馬屎洲@大埔
朋友約行山。地點係馬屎洲，根據以往經驗，唔荒會辛苦，所以接order就彈起身出發，估唔到呢個地方係咁靚，香港真係好多好山好水好風景，絕對唔輸蝕比外國，呢個行程舒服，好適合同小朋友來行下。(老人家就未必好，因為多石級)
香港食食食 (25)
