Foodie 生活雜誌

9/2019 光顧

8/2019 光顧

11/2018 光顧

潮洲菜係我喜歡的菜系，不過好食的潮洲菜館似乎愈來愈少。曾經光顧此餐廳，覺得水準不俗，一直想再來，結果要幾年後至成事，等做我生意就死得。餐廳環境光猛整潔，有點迫夾，除左卡位以外，其他枱都係坐圓櫈，無咁舒適。今次再來，食物味道淡左，份量足，價錢實惠的街坊小店，仍然係我心水店之一。

8/2018 光顧

北角店開左多年，今次做「過海龍」，來九龍開分店。新店比舊店舒適整潔，傳統潮州菜色。味道一般，服務殷勤友善，中規中矩的一餐。

10/2017光顧

7/2017光顧

2/2017 光顧

老字號潮洲菜館，我地一行三人，點得唔多，到係行貨 ：鵝片、蠔仔粥，味道一般，反而個欖菜四季豆炒豬頸肉幾惹味。最恐怖係我兩個女性朋友居然可以隊哂成碟反沙芋（我麻麻，無加入），我估應該好食？餐廳地方細細，坐圓櫈，坐得耐都幾攰，要坐得舒服就可能未必啱了。

11/2016光顧

朋友話食平d，揀左呢間，我即刻知道我地之間的距離，雖然呢度價錢唔貴，但我唔會用個平字去形容。餐廳之前已光顧過，以前係分兩間店東南亞菜及潮州菜，可以互點對家的菜，但今次再來已經無左東南亞菜。一班朋友似蝗蟲一樣不停點菜，唔知以為係任點任食。菜色都係一般潮州菜，唔會遂樣寫 。餐廳出品的鹵水汁好對辦，清香之餘唔太咸。整體出品唔錯，係細碟左d，四個人食就剛好，而且坐得舒服，招乎好，價錢比一般小菜館貴d囉。

10/2016光顧

朋友之前見我食過，覺得有興趣，相約再試，當然奉陪。今晚得幾個人，點菜唔多，食的都係之前食過但好味再encore的。滷水鵝肝滷水清香鵝肝滑，蘿蔔灌漿外面炸得香口，內裡係充滿蘿蔔絲的漿，外脆內juicy。蟹棗係今次的新嘗試，要預訂，外皮酥脆，包住啖啖蟹肉，但味道毫不特出，有點失望。加埋蠔仔粥同我最喜愛的清心丸綠豆爽，超飽！

7/2016光顧

一餐食左廿款菜 ，朋友問我係咪叫左成村人去，食完上前線打仗。其實每個菜碟頭都唔細，份量適中，不過一行11人，每人一啖都無左，所以結果係點完又點。難得每碟味道都唔錯，無心機遂碟講，總之係鹵水清香入味，小菜夠鑊氣，甜品都好味，我最欣賞有檸檬味的清心丸綠豆爽，甜中帶點點酸，又有檸檬清香，好好味。

6/2016光顧  寶興飯店@黃大仙

開業多年的打冷店，街坊生意。一般打冷菜式都齊，鹵水鵝肉軟靱適中，鹵水入味唔太咸，蠔餅的蠔肉大大粒，雞腳入味軟稔，小菜鑊氣夠，交足貨的街坊小廚，藏身在舊區中，希望可以保留，唔好被發展淹沒。