Foodie 生活雜誌

3/2020光顧

睇雜誌至知，店名TIRPSE 係英文esprit的調轉寫，背後意思係乜就唔理了，但咁樣會易記d。餐廳在陳豪咖啡店隔離個鋪，行過幾次都唔多覺眼，直至光顧的時侯，原來餐廳入面別有洞天，一列維港景令人心曠神怡。午餐分Exclusive 及Luxury 兩款，我今次食Luxury 套餐，菜式係我近年喜愛的法日料理，質素高的日本食材配合複雜的法式烹調，完美組合。菜式設計有心思，味道好，環境舒適，但侍應水準稍嫌稚嫩，未能配合餐廳質素，可能尚要時間培訓。呢餐幾滿意，轉餐牌後再來😁

​​

2/2020光顧

以名廚作招徠，疫情下的午市都滿座，新晉火紅餐廳。試左入門版午餐，四道菜，菜式為現代法國菜，食材大部份法國入口，用料矜貴。主廚生於南美，有意大利血統，加上於歐洲工作多年，所以創作多元化。餐廳氣氛輕鬆，菜式擺碟簡單，食味唔複雜。不過分量的式，唔飽肚。餐廳提供4 course 及 6 course，餐牌好在唔使揀，食4 course 只提供菜式後面有星的。6 course 就食哂全個menu。餐單內有煎鵝肝，無論食4 course 及 6 course都要加錢。 開業時只有6 course，$560，真抵食。可能生意太好，即加價。

2/2020光顧

近排香港開左好多靚西餐廳，排隊食都有排食，今次呢間開左一排，終於揾到機會食。餐廳雖然喺商厦內，但樓底高，配一列落地玻璃，不覺焗促，裝修清雅唔複雜，感覺舒適。菜式風格係法式料理加入日本元素，日式調味，配上北歐香草，近年時興。配搭有心思，味道協調，份量足，雖則價錢唔平，但物有所值。侍應介紹菜式時睇得出對煮食有熱誠，一問之下，原來佢之前都係做廚，而家轉做樓面，難怪介紹餐點時唔會背書咁背。

2/2020光顧

2/2020光顧

中環安蘭街18號食厦名店匯聚，今次又係食西餐。午餐包頭盤、主菜及甜品或咖啡，睇清楚係「或」，若要甜品及咖啡，要加錢。菜式配搭有特色，味道不俗但唔突出。聽講餐廳的招牌菜係gnocchi，但我今次無食，希望日後有機會試下。

1/2020光顧

對獨立經營的樓上小店情有獨鍾，今次選的餐廳，介紹話廚師由澳洲回流，又試下。午餐有湯、頭盤、主菜、甜品加埋咖啡，埋單唔使四舊，以中環來講，真係唔算貴。菜式唔算特別，熟口熟面的餐牌，不過食得出係用心煮，食材質素不俗，經理Andy服務細心體貼，一問之下，原來喺酒店業服務多年，難怪。

11/2019光顧

9/2019 光顧

6/2019光顧

5/2019光顧

香港人做的高級西餐廳在香港唔多見，主張使用本地食材，撐本土，三百零蚊的3 course 午餐，擺盤精緻，味道可口，環境舒適，中環區競爭大，大廚為保持新鮮感，午市餐牌每星期轉換一次，真有魄力。

4/2019光顧

3/2019光顧

1/2019光顧

11/2018光顧

3/2018 光顧

2/2018 光顧

餐廳之前在元朗，後來因為租約問題，輾轉落户渣甸山居民協會。餐廳裝修有如雪山下的小木屋，好温馨舒適。晚餐係套餐形式，餐湯、頭盤、主菜、甜品各選一，包飲品。廚師係法國人，15歲開始做廚，所煮的都係傳統西餐，菜式唔花巧，食材新鮮，廚功扎實，一頓好實在的晚餐。

11/2017光顧

10/2017光顧

素聞WHISK 的午市套餐抵食又好食，終於安排一次同太后來食。餐廳裝修可能因為用色關係，有點殘舊，而且枱與枱之間距離近，我坐近通道，成日被侍應碰到張櫈，感覺麻麻。除此以外，問題不大。set lunch餐牌內starter，main course 同dessert 各有幾款菜色選擇，可以揀2 courses、3 course、4 course套餐，部份菜色要另外加錢。套餐包果汁或餐前酒，咖啡或茶，頭盤精緻，main course 大大份，味道好，指定信用咭仲有85折，真係幾抵食。

3/2017 光顧

之前分別食過lunch同dinner，一間質素與出品成正比的餐廳。最近餐廳搬左，借個藉口又去過。新環境感覺比之前高級，枱與枱之間唔太密，氣氛輕鬆，感覺良好，另有private room及露台，地方唔錯。晚餐食set，唔使諗。菜色唔花考，食材好，煮法簡單唔雕花，實實在在地食一餐，無話好食到識飛，但一定係穩陣之選。最怕某些講勁過煮的餐廳，每次上菜侍應似背書咁講一輪，我又要禮貌地耐心聽，大家辛苦。