Foodie 生活雜誌

7/2023 光顧

5/2023光顧

前LE PAN 大廚自立門戶，一個我欣賞的chef，之前已覺得喺九龍灣嘥左佢，而家出番來香港區，應該會有更大發展，至於點解開喺灣仔而唔係中環？因為租貴囉！

5/2023光顧

對於幫襯呢間餐廳一直十五十六，因為主廚係Olivier Elzer ，多年前食過佢的餐廳Seasons by Olivier E，覺得唔啱口味，所以唔敢試，但見口碑咁多年都唔錯，又即管試下。之前好難book位，開關後個市靜哂，易book好多。點左4 course lunch set，食物味道同擺盤都唔錯，菜式有心思又多花臣，環境光猛清雅，我幾鍾意，可以再來。不過侍應服務水準有進步空間😅

2/2023 光顧

6/2022光顧

慕名已久，終於來食。餐廳裝修瑰麗，大大棧水晶燈，高貴又有氣派，可能燈光較暗，感覺裝修有點舊。我食午餐，四個course，菜式平實，食物味道不俗，但無亮點，寫番轉頭都無乜印象，所以只寫菜名。而且服務一般，見識過就算了。

6/2022光顧

曾經喜愛的餐廳，之前幫襯過幾次，直至有一次覺得唔多啱食，無再幫襯，不經不覺又幾年。近排見到有雜誌介紹，心思思又試下。餐廳仍然keep得好新淨，服務好好，食物水準不俗，是日用餐經驗愉快。平日只供應套餐，四道菜同五道菜只差一舊水，(係魚or肉同魚and肉的分別)，無理由唔點五度菜，侍應話若食到三餸一湯就食到五道菜，結果証明我一個人係食到三餸一湯，不過全日都唔使再食其他嘢了。

9/2021 光顧

8/2021光顧

6/2021光顧

想試酒店的班尼迪好耐，但唔多捨得，之前試過餐廳的weekend brunch，印象良好，決定試下。食材一樣高質，食物精緻美味，侍應細心服務好，一早來到靜靜的嘆個高質早餐，感覺良好。早餐有‘SOMM breakfast ‘ 同 ‘Bubbly Breakfast’兩款選擇，’不過就如侍應所講， ‘Bubbly Breakfast’通常食唔哂，所以我選SOMM breakfast。早餐限時個半鐘，為左準備weekend brunch，10:30要還枱，不過我見有客人10:00至入來，莫非對好多人來講，一個幾百蚊的早餐就如大快樂一樣，係一個快餐？

兩款主菜, 和牛換做菜

Alluis@銅鑼灣

3/2021光顧

3/2021光顧

去過大廚喺西九文化區的另一間餐廳PANO，覺得麻麻，不過呢度有coupon，又試下。喺OTE食飯，主要係食個景啦。3 course lunch set 三百幾，加多幾十蚊多個starter，我一向有大食大，梗係點多個starter。 食物水準一般，頭盤幾靚，main course 及甜品普通，即係食完都唔知寫乜的餐廳，不過都係食環境，試過就算。

2/2021 光顧

1/2021光顧

1/2021 光顧

傳統高級法國餐廳，感覺好高貴，之前雖然想試但又無乜動力，知道主厨Uwe Opocensky 加入，終於下決心幫襯。主廚之前開設自家餐廳Uwe時已想幫襯，因為覺得菜式幾吸引，但結果要到Petru至可以一嘗滋味。可能始終係傳統餐廳，菜式無之前的咁玩味 (之前的只靠睇相)，但味道及配搭都好。餐廳佈置華麗豪華，一列向海落地玻璃，望哂維港兩岸，個view 好正。服務親切有禮，整餐感覺好舒服，一定會再來。

12/2020光顧

餐廳之前因裝修停業，重開後餐單風榴亦有更改。新餐單多左素菜選擇，清淡左，今次選 3 course lunch set，好多菜式都要另外加錢，而家點餐真係有「見價不是價」的感覺。主菜好味，頭盤及甜品一般，最驚喜係個petit four ，好華麗。不過似乎暫時未能吸引我再來了。

10/2020光顧

城中名店之一，雖然近年多左競爭對手，但午市訂位仍然唔容易。食材高質，火喉剛好，份量亦合適，水準穩定，食得放心，菜式無驚喜但亦唔會失望的餐廳。餐廳以吧枱高櫈座位為主，若要坐table 每位加$100，服務殷勤友善，但個別侍應講解唔專業，仲見佢將個托盤飛埋去餐櫃上，可惜左其他專業有禮的同事，亦失禮左間餐廳

10/2020光顧

10/2020光顧

10/2020光顧