Foodie 生活雜誌

10/2020光顧

食過兩次lunch都好滿意，放心嚟食晚餐。晚餐有兩款選擇，分Full 或Light Arbor expirience menu ，一場來到，當然食full menu。晚餐仍有驚喜，配搭新鮮味道好，食得好飽，侍應友善，好享受的一餐。

餐酒好貴，又唔識揀，點幾杯cocktail 穩陣，幾好飲㗎

自製軟包，鬆軟香口，配上兩款牛油，一款加入醬油，另一款加parmesan cheese，兩款都好好味，個包食唔停口，個為左可以有足夠胃納應付嚟緊的菜式，食左一件就停口

Amuse bounce 清甜的魚湯加入basel 汁，以海螺盛載，好有海洋感

Amuse bounce 青口章魚燒，上面配點點mustard ，又一日菜入饌

ikura 三文魚子蓋住鱒魚片及蒸蛋，一匙羹舀起，將三樣食材同時送入口，三文魚子爆開的汁混合魚片的鮮味及柔軟的蒸蛋，好好味

Saba 鯖魚刺身鋪在壽師飯上，用蘿蔔圍住，我唔太喜歡食鯖魚，因為通常幾腥，個呢個好鮮，好好味

tartelette查字典係調色板，唔知乜東東，上菜至知係鮑魚tart。鮑魚用昆布醃，下面的珍珠米加入紫菜粉沫，放在脆薄的tart 皮上，一口咬下，感覺好有海洋味。

Ramen 自家製焙茶拉麵，拉麵食唔出有乜特別，但個濃郁雞湯我就好欣賞，配上燒得香嫩的免治兔仔肉，又係嗰句 : 好好味

XO 之前午餐食過，我懶，照抄上次食後感 ： 煎帶子蘿蔔配XO醬，加個天婦羅脆餅。chef話靈感來自蘿蔔糕。

kiwi  清味蕾的間塲sorbet 都唔馬虎，以醋、薄荷、清瓜製成的kiwi sorbet，好清新

主菜有三款揀，我選fish : 深海鰺魚略略烤香外皮，魚肉有韌性，但中間仍保持刺身的鮮嫩，簡單的魚都整得好有口感，配菜係醬油漬牛榜及醬油漬海苔牛蒡，簡單中見細緻。食到呢度已經好飽，附上的漬物剛好可以消消膩。

apple 甜品時間，比起之前精彩的菜式，甜品的賣相就較弱。蜜糖布甸配蘋果蓉及sorbet，味道好但無驚喜，不過有一塊楓葉型脆脆，好配合秋天。

Berry 介紹話係一種東南亜的berry，講完我都唔知係乜，pudding 顏色粉紅似士多啤梨，但味道帶點澀。

so much soy 應該係感覺好豐富的馬卡龍。餐後唔少得的係簽名 madeleine 同馬卡龍，飽到上心口都覺得好味

之前兩次都坐大廳，今次被安排坐房，只得兩枱，好舒服

另有私家房