2026 雲南滇南遊 住宿篇
彌勒東風韻美憬閣精選酒店@彌勒
我係因為呢間酒店而來彌勒，之前彌勒呢個地方聽都未聽過。酒店喺東風韻景區內，外型設計特別，分開幾楝樓，主樓係一個圍繞式建築，似福建土樓，另外幾個建築外形肥嘟嘟，帶點童話感，整間酒店本身已經係一個景點。紅土外牆跟對面東風韻景區的建築互相呼應，酒店空間感大，佔地廣，早餐豐富。房間裝修使用天然建材，感覺舒適。員工服務非常好，主動幫忙解決問題，酒店內的golf cart隨傳隨到，小哥們服務細心有禮，下雨天時，駕駛員泊車後，小哥已無聲無息企响車旁為駕駛員撐傘，遮佢返回只係幾步路的酒店大門，好耐無享受過如此貼心的服務。
請進房
hearoom 發表在
痞客邦
留言(0)
人氣()
2026 雲南滇南遊 遊記篇
Day 3行程 : 摘藍莓 - 太平湖森林公園 -東風韻
近年香港多咗雲南出產的藍莓賣，我未食過，但團友剛剛食左話好清甜，心心念念要去原產地即摘即食。早餐後出發去藍莓田，唔覺唔覺都玩左兩粒鐘。之後去太平湖森林公園睇花，當然櫻花又唱「走先啦係咁先」。不過冇櫻花都有一大片小黃花，唔理乜嘢花，總之一大片就係靚。公園好大，整潔乾淨，規劃得好好，裝飾簡單可愛，唔似以前整隻老翻米老鼠或閃燈，整件事居然有高級感。離開公園後回酒店對面的東方韻景區行吓，再返酒店稍事休息就去食晚餐。嚟到雲南梗係要食羊肉，同朋友仔去食湯羊肉鍋，佢哋未食過，覺得唔錯，食完飯返酒店途中經過大型夜市，至知道昨晚自己去錯咗。不過都唔行了，間酒店咁靚，要返去嘆吓。
彌勒有葡萄酒莊園，我無興趣，不過往藍莓田途中經過葡萄大道，兩旁都係葡萄園，唔飲得都睇得。
hearoom 發表在
痞客邦
留言(0)
人氣()
2026 雲南滇南遊 遊記篇
Day 2行程 : 昆明 -
宜良櫻花谷
- 彌勒
早上喺老街食早餐後出發往宜良櫻花谷，點知櫻花因為昨晚的 hi大風雨吹掉了，售票員好風趣，話櫻花等左我好耐都唔來，等到昨日終於走了，令到失望的我都覺得窩心。不過一塲來到，照入去好了，結果又唔錯喎，見到月季花同白藤。櫻花雖然唔係滿開，但都叫有。午餐喺宜良市食烤鴨，新鮮出爐，一隻收32人仔，平到我比錢時都窒左一窒。之後直接去彌勒的酒店check in，酒店喺景區內，設計特別，只係參觀酒店都用左一段時間。晚餐去夜市，點知去錯左個小型夜市，揾唔到食，唯有掃街，草草食完一餐好了，團友話同我去咁多次旅行都未試過掃街，真失敗，不過駕駛員好開心，因為佢係味精人，啱哂。今日行到好攰，早點返歸休息好了。
hearoom 發表在
痞客邦
留言(0)
人氣()
2026 雲南滇南遊 遊記篇 Day 1行程：香港 → 深圳→ 昆明
今次喺深圳上機，機票平啲， 班次選擇多啲 。唔想早起身，揀下午機，book架中港七人車，接埋幾位團友，由香港直上深圳機場，公司職員服務好好，之前溝通好日期時間地點，出發前一日發送接車的資料，包括車的型號，司機電話號碼等等，好詳細，落車付款。職員明白我有旅遊焦慮症，幫我預埋時間，好細心。舒舒服服，非常方便。之後飛兩個半鐘就到昆明。機場攞車後直去市區酒店check-in，搞完一輪已經係晚飯時候，飯後喺附近行個圈就返回酒店休息。
深圳機場，乾淨、先進、現代化。過air security
檢查較嚴格，建議預多少少時間。
hearoom 發表在
痞客邦
留言(0)
人氣()
2026 雲南滇南遊 行程篇
10天旅程旅遊地方包括昆明、彌勒、元陽、戛洒。比起丽江大理等熱門景點，相對較小眾。全程自駕，每個地方之間的距離有點遠，其中兩日全日為移動日，邊走邊玩，住宿全部安排兩晚，每日景點只有一至兩個，唔使太勞累。總結今次自駕經驗，城市與城市之間全部行高速，國道間中有點崎嶇，但安全，可以放心去。
Day 1
行程：香港 → 深圳寶安國際機場 → 昆明長水機場🚗乘中港車往深圳寶安國際機場👫到達機場後取車直往酒店check in
hearoom 發表在
痞客邦
留言(0)
人氣()
喜歡入住有點特色的酒店，尤其係國內旅遊，因為價錢尚算可接受。今次入住的陽朔糖舍，坐落漓江畔，由舊糖廠改建，佔地大，群山環抱，建築外表粗獷，內𥚃舒適。酒店為渡假式酒店，有泳池、水療、健身室、藝術館，足不出戶都大把嘢做。
房間寬大舒適，有點舊，而且近馬路，靠近門口幾嘈，好彩無影響睡眠。住左四日三夜，悠悠閒閒，好舒服。咪以為酒店喺山卡啦，坐十零分鐘滴滴就到舊城區，好方便。
酒店在馬路旁，一進入大閘就係另一個世界穿過竹林走廊氣氛即刻唔同哂
hearoom 發表在
痞客邦
留言(0)
人氣()
食完早餐後包車出發去龍脊，車程要兩個幾鐘，到左景點要轉電瓶車站上山睇梯田，但係司機話季節未到，冇灌水，無咁靚，叫你哋考慮唔好嘥錢，只因每個客人都會走呢啲景點，佢至帶我哋去。
司機之後車咗我哋去千層天梯觀景台，放眼望遠，整個山谷都係梯田，又真係幾靚。睇左一輪就去附近的民宿搵食。山上的民宿對正梯田，若遇啱灌水的日子住喺度，應該好靚。完結旅程出到市區已經入夜了，作為一個城市人，我當然又去返最熟悉的萬象城，食完晚餐就返酒店休息。第二日一早食完早餐就出發去高鐵站，搭車直接回香港，旅程完結了，桂林陽朔係一個唔錯的地方，車程又近，可以再來。大前提係揾間對的酒店。
喺國內，去景點買入場券係常識，入面有巴士載你去不同景點，就算自駕都要買票。門口的梯田瀑布，雖然係人造，但都幾靚梯田上有個寨，咁斜，唔知點樣上去？長髮邨，旅遊季節的時候會有長髮姑娘表演，而家淡季，莫講話長髮姑娘，連餐廳都冇開。
hearoom 發表在
痞客邦
留言(0)
人氣()
喺陽朔過左三晚，今日去桂林了。坐車由陽朔至桂林約個零鐘，叫架七人車舒舒服服，瞓一覺就到。去酒店check-in後步行去東西巷，即係古城，全國的古城都係一個樣，無需特別介紹。行完後返酒店休息一陣就去對面食飯，桂林市超級商業化，景點日月塔、象鼻山雖然只係咫尺之遙，我都冇興趣行過去，喺酒店hea就算。
桂林市，市容比我的感覺係舊同有點亂，唔喜歡
喺酒店沿路行去東西巷，「經過」日月塔，當睇左🤪東西巷，都係熟悉的連鎖店及食店
hearoom 發表在
痞客邦
留言(0)
人氣()
食完早餐，參加酒店辦的小手工活動，跟住就開始旅拍（酒店套餐包埋）。攝影師好Hea，影完後包左架車出發，先去食農家菜，上菜速度奇慢，司機揸車又慢，結果唔夠時間去遠的景點。附近又冇咩好睇。好彩最後俾我睇到路邊有個岩洞咖啡室，居然好好玩，我同少爺仔行左兩轉，好正。行完之後返回市區，求其食餐餃子就返歸。
一早做小手工，聖誕節整棵聖誕樹夠鐘去旅拍，攝影師流水作業，趕收工咁套餐包10張相，若要再揀就加錢，加錢的套餐好貴，而且大陸好興執相，執到我自己都唔認得自己，最後我叫佢原裝俾返我就得，佢幾無癮。影完返房嘆杯咖啡至出發午餐的餐廳喺山谷內，有點隱世feel，諗住會有好嘢食，結果係我諗多左
hearoom 發表在
痞客邦
留言(0)
人氣()
今日都係落雨，喺酒店食完豐富早餐就去坐竹筏遊十里畫廊，竹筏只坐二人，有限重量，剪票時要先過磅。沿途山光水色優美，山峰就似喺地上突然長出來，典型的喀斯特地貌。咪以為河面好平靜，中段有幾個落差位，會整濕身，全程約45分鐘左右，好快完。玩完之後返酒店換衫，順便唞吓。午餐聽酒店姐姐介紹去食地道桂林米粉，之後去陽朔夜市附近的咖啡店hea下行下街，食完晚飯就返酒店了。
遊十里畫廊，落住微雨，上木筏幾滑下水鞋大派用場風景幾靚㗎，上天安排左煙雨濛濛景比我睇，別有一番風味，不過有陽光會更有顏色及立體感
好多竹，所以咁多竹筒飯食
hearoom 發表在
痞客邦
留言(0)
人氣()
一早坐8:00高鐵出發，辛苦過返工。因為買唔到西九龍直車去桂林，所以喺廣州南站轉車去陽朔站。到達後叫滴滴去酒店，車程要個零鐘，途中司機問我哋要唔要食午餐，之後車左我哋去佢介紹的餐廳食飯，去到覺得伏伏地，因為餐廳外泊滿滴滴七人車，即係好多客都係司機帶嚟食。去旅行預咗俾人呃吓，隨遇而安，果然呢餐食咗成五舊水，之後幾日知道其實兩百幾蚊一餐已經可以好豐富，除左價錢，其實食物係ok的。食完就去酒店check-in，今日落雨，晚上去出去市中心行吓，食埋晚飯，因為落雨，天氣又凍，行個圈就早早返酒店休息了。
有興趣睇番之前的分享，請click 👇🏼#2025桂林陽朔遊
一早出發，去程好彩仲買到一等坐，回程要坐二等了，雖然二等坐都唔錯，但始終一等坐個位濶d舒服d團長準備的早餐轉車時買咖啡，只得KFC揀，唔明點解瑞幸開喺閘外😡見到奇特的山峰，就知道到了
hearoom 發表在
痞客邦
留言(0)
人氣()
2025桂林陽朔遊 行程編
有說 : 「桂林山水甲天下，陽朔山水甲桂林」，去完兩地以後，証實此言不虛。六日5夜行程，陽朔入，桂林出，三晚住陽朔，兩晚住桂林，桂林市對我完全不吸引，若要調整行程，我會選擇一晚住桂林市，一晚住龍脊梯田，三晚陽朔。
Day 1 香港至桂林🚄高鐵 香港至廣州南 / 廣州南至陽朔🚗滴滴 車站至酒店🍱午餐 林大姐啤酒魚(興坪店)❌👫陽朔西街🍱 璞食 •桂北融合菜
hearoom 發表在
痞客邦
留言(0)
人氣()
