宿一宵，乾淨企理就得，最緊要平，呢間啱我心水，六百幾蚊一晚，雖然離旺區有少少距離，但我仍認為好抵，入住後忍唔住再睇返係咪記錯價錢
房型 : 標準雙床房
地點及交通 ：酒店喺秋葉原區的小街內，距離JR秋葉原站步程約10分鐘，坐地鐵係都營地下鐵新宿線岩本町站A3出口，行幾分鐘就到，算方便。
酒店有車位提供，每日1500yen，位唔多，最好預約。我當日無預約，被安排泊喺門口，好方便。
附近環境 ： 酒店附近坐落的街道幾靜，行出大街就有便利店及餐廳。
房間設施 : 標準商務酒店，房間比我想像中大，尤其係衛浴，以房間的比例，無想過會有咁大。不過始終近鐵路，幾嘈。
**基本設備齊全
餐飲 : 我間房無包早餐，去餐廳行個圈八卦下，早餐簡單，麵包果汁沙律之類。
服務 : 前台有外籍職員，英文流利，態度好，樂於助人。
酒店設施 : 小酒店，無乜設施
**基本設備 ：衞浴乾濕分離，USB插頭，洗漱用品，沐浴用品，風筒，拖鞋，抽紙巾，熱水煲hearoom 發表在 痞客邦 留言(0) 人氣(19)
今次係第二次坐大灣航空，雖然去之前都怕佢會改航班或停飛，但最後都順利成行，而且同上次一樣感覺良好。選擇十一點的機，唔使早起身，換來的就係無左一日。去到東京，攞埋車出到市區已入夜。約左同一時間喺東京的友人食飯聚會(喺香港反而唔約🤣)，就回酒店休息了。分享下今次租車經驗。之前去日本租車通常喺日本車行官網訂，安全可靠，但價錢貴。今次朋友想試試其他租車公司，於是喺trip.com上揀左BE KOBE。價錢優惠，雖然有點擔心，但心想若有出錯，大不了到時立即去返車行租。點知BE KOBE的服務好到完全超出我預期，訂單話可以用what’s app聯絡租車公司，我即管試下，點知公司立即回覆之餘仲好有耐性地解答我所有問題，出發前兩日再聯絡我通知攞車資訊，到達東京機場已收到公司訊息，接我去攞車的專車已等緊我，取車過程爽快順利，還車前一日職員再三確認還車及航班時間，怕我趕唔切飛機，仲再send還車地點及附近油站的google map比我，全程中文交流，職員有禮，服務細心，還車後安排專車送我地回機場。hearoom 發表在 痞客邦 留言(0) 人氣(11)
原來去福島的行程，因為熊患，臨出發前兩星期改去新潟，無乜心機plan，揀左幾個想去的地方就算，都係行下食下浸下，咁就過左8日。
Day 1 香港至東京
取車 : 機場-酒店 (租車公司 : BE KOBE)
晚餐 : 鳥大志@淺草 (串燒)
住宿 : VIA INN 秋葉原 - JR西日本集團
Day 2 東京 - 那須
駕車 : 東京 - 那須 (2.5小時)
景點 : 那須千本松牧場
景點 :もみじ谷大吊橋
午餐 : Belle Fleur (Bakery Shop)
住宿 : 那須温泉 大丸温泉旅館
Day 3 那須 - 新潟
景點 : 鹿之湯
景點 : 殺生石
景點 : 湯野上温泉站
景點 :大內宿
午餐 : 蕎麥麵
景點 : cocolo shopping
晚餐 : 串や。ニューハカタスタイル(居酒屋)
住宿 : 新潟大倉飯店
Day 4 新潟市
景點 :Pier Bandai
午餐 : 森林咖啡
景點 :月岡温泉
景點 :福島潟
景點 :市內shopping
晚餐 : 鮨喜 やまだ藤七
住宿 : 新潟大倉飯店
Day 5 新潟市 – 十日町市
景點 :寺泊海鮮市場
景點 :玉川堂
景點 :snow peak HEADQUARTERS
午餐 : snow peak eat
晚餐 :食ing bar
住宿 : 六日溫泉飯店
Day 6 十日町市
午餐 : Ribbon cafe
景點 :星峠梯田
午餐 : 拉麵
住宿 : Ryugon
Day 7 十日町- 東京
景點 :越後湯沢駅
午餐 : 爆弾おにぎり家
景點 :新宿
晚餐 :金市朗
住宿 : HOTEL MYSTAYS Ueno East ザ・パークハウス上野
Day 8 東京-香港
酒店-機場
Japan food hall
～ 旅程完滿結束～hearoom 發表在 痞客邦 留言(0) 人氣(9)
另一家燒五花腩店，十年前幫襯過合益洞的店，今次來店子搬左，記得以前有豬肉枱磅豬肉，又要等位，今次來就兩樣都無。餐廳好平民，店員幫你燒埋，都係好食的，不過都係點豬腩肉好了，豬頸肉較鞋。hearoom 發表在 痞客邦 留言(0) 人氣(21)
去外國可以唔食唐餐，但點都要食下西餐，食左幾日韓國餐，悶悶地，轉下口味。睇catch table推介，安國區內小小的bistro，好可愛。pizza即製即焗 ，pasta好味，配合安國區憩靜悠閑的氣氛，好舒服。hearoom 發表在 痞客邦 留言(0) 人氣(16)
首爾的酒店價錢比我想像中高，拍得住日本。hearoom 發表在 痞客邦 留言(0) 人氣(21)
韓國的菜式比較粗糙啲，好鍾意大堆頭，一鍋上，加個湯加個飯，最重要填飽肚。睇韓劇成日見到演員喺小餐廳用餐，每台一鍋，坐得迫迫夾，好有生活感，我又去感受下。講明食豬骨湯就梗係食豬骨，乜都唔識就最好點招牌菜，一個豬骨鍋，一個辣炒豬骨。豬骨大大嚿，要帶手套落手食，所以都唔得閒影相了。初時諗呢啲咁嘅煲湯料有乜好食，估唔到豬骨都有幾多肉，調味重手，所以豬骨都入哂味，豬骨的肉唔係嫩，但亦唔算嚡。不過我最欣賞係臨用豬骨鍋的剩湯嚟炒嘅紫菜飯，好好味😋餐廳喺橫巷入面，我係揀下午茶時間過來，冇乜人排隊，但餐廳一樣客滿，食完飯出嚟4點半左右已經有人等緊位，好誇張。hearoom 發表在 痞客邦 留言(0) 人氣(22)
中國食蒸鱔，日本食鰻魚飯，韓國食燒鱔。之前去過幾次韓國，都冇食過燒鱔，近年至知道有呢樣嘢，真係孤陋寡聞。試過喺大陸食，麻麻哋。今次去首爾食，朋友推薦呢間，應該都係養鰻，好肥美，鰻魚即劏即燒，阿豬媽幫你燒埋，燒得焦香，教埋你點夾嘢食，將所有配料揦埋一住然後塞落個口度，又係另一種風味，好得意。hearoom 發表在 痞客邦 留言(0) 人氣(25)
hearoom 發表在 痞客邦 留言(0) 人氣(17)
hearoom 發表在 痞客邦 留言(0) 人氣(35)
香港食食食 (25)