Foodie 生活雜誌

今日從新潟落返東京，途經越後湯沢駅，諗住食個飯團就走，點知原來個車站好多搞作，有得浸溫泉又有清酒試飲，但因為冇預到時間，匆匆行個圈就走了。落到東京，團友終於可以shopping，不過時間實在唔夠，買唔到心頭好。成日覺得喺東京市內唔使揸車，但其實東京好大，坐車要用好多時間，今次喺東京都內開車感覺唔錯，可以揾旺區以外的餐廳，最緊要搵人同你share昂貴的泊車費😜。晚上入住上野Mystay酒店，有點舊，無停車場，門口有幾級樓梯，搬行李幾煩，勝在較平，宿一宵至揀佢。第二日瞓醒就出機場，喺美食廣場食完個烏冬就走了，咁就結束咗八日旅程，期待下次的日本之旅。

(繼續閱讀...)

hearoom 發表在 痞客邦 留言(0) 人氣()

旅館放喺想入住溫泉旅館list上好一段日子，估唔到今次急就章都可以訂到房間。旅館喺超過200年的建築入面，能欣賞傳統建築之餘，又可享受內部現代化的舒適設施，對於房間及環境好滿意。但膳食就強差人意，雖然睇評語都話食物係在地食材，天然調味，無添加，未必人人啱食。我只能講句唔識欣賞，食物無嚟紋味，賣相亦唔吸引，比普通旅館的餐膳更差，雖然近年對溫泉旅館的膳食冇期望，但今次係刷出新低點。除此以外，其他都唔錯。

(繼續閱讀...)

hearoom 發表在 痞客邦 留言(0) 人氣()

今日落雨，又濕又凍，天氣唔好，雖然沿途都係紅葉，但冇陽光就失色了。繼續慢活時光，先搵間Cafe開餐，喺等Cafe開門期間經過間雜貨店，入面乜都有得賣，好多地道日本便服品牌都有，行得好開心。餐後去睇星峠梯田，秋冬梯田乾旱冇灌水，野草叢生，叫做睇到一級級，但係景觀麻麻，加上大風又凍，睇咗一陣就走。三點幾至食午餐，好多餐廳都關門了，求其食碗拉麵就去溫泉旅館，對當日的旅館充滿期待呢。

(繼續閱讀...)

hearoom 發表在 痞客邦 留言(0) 人氣()

魚沼市好似無乜住宿選擇，揾左呢間附設温泉的酒店，見個樣普通，唔揀包餐，出去食好了。點知入住後有驚喜喎，房間新淨潤落，員工友善，温泉唔錯。酒店隔離係滑雪塲，冬季應該好多當地人來玩。酒店附近有幾間好吸引的西餐廳，再惜當日週末，無位。
 

(繼續閱讀...)

hearoom 發表在 痞客邦 留言(0) 人氣()

昨日的魚市場令團友失望，好彩我有兩手準備，mark低埋個寺泊海鮮市場。市場雖然規模唔算大，但總算食到團友想要的點點街市風味。餐後去燕市的玉川堂睇銅器，幸運地剛好趕上工場見學時間，聽唔明都照參加。之後再去snow peak 的新潟大本營，團友係品牌粉絲，啱哂。

(繼續閱讀...)

hearoom 發表在 痞客邦 留言(0) 人氣()

新潟最吸引我的係佐渡島，而且應該肯定無熊出沒，睇怕佢唔會游咁遠去渡假？可惜我唔夠時間，希望日後有機會。新潟市無乜好做，團友幾十年無去過日本，諗住同佢行下温泉鄉，點知去到大部分店舖關門，敗興而返，中途經過福島潟自然館，入去消磨下時間，之後回市中心shopping，新潟市無我想像中熱鬧，好彩有間伊勢丹，叫做有點收穫，晚上訂左壽司餐，食完就回酒店休息了。

(繼續閱讀...)

hearoom 發表在 痞客邦 留言(0) 人氣()

因為太遲訂房，所以新潟市的選擇唔多，我要求的房間係面積超過23平方米，雙床房，市中心酒店的價錢幾高，得呢間啱budget。市場最真實，房價比較平總有原因 : 舊式大酒店，位處河邊，往市中心要坐車，樓下好靜，老式房間裝修，泛黃陳舊。酒店有新裝修的房間，不過我訂的時候無房，若然自駕可考慮住呢邊，幾抵住。房間裝修停留喺九十年代

(繼續閱讀...)

hearoom 發表在 痞客邦 留言(0) 人氣()

一早起身浸溫泉，食完早餐就離開旅館。先去旅館附近的殺生石 及鹿之湯 ，睇下九尾狐比人收服的地方，沿路去埋湯野上温泉站及大內宿，大內宿商業氣息極濃，完全無心機行，食碗麵影幾張相就走。去到新潟市都入夜了，去車站商場逛個圈，食埋晚餐就去酒店check in了。
晨光第一浸，一路浸一路驚見到熊熊，最後都係入返室內

殺生石，喺旅館附近，好快到。有個九尾狐的傳說，有興趣自己上網睇。

(繼續閱讀...)

hearoom 發表在 痞客邦 留言(0) 人氣()

旅館係秘湯協會成員之一，有過百年歴史，但地方仍保持新淨，房間舒適。旅館的特色係可以著浴衣混浴，而且泉水好熱。旅館喺山頂上，自駕較方便，不俗的體驗。房型 : 別館 和室12畳ツインベッド（檜風呂・トイレ付）
旅館座落山中古式古香大大的秘湯燈籠在門口旅館非常乾淨，地板一塵不染，乾淨到反光，好佩服日本人的衛生意識

(繼續閱讀...)

hearoom 發表在 痞客邦 留言(0) 人氣()

原本行程係去福島，揸車由東京直踩去福島車程太長，所以中途揾地方停一晚，今日的行程就係從東京到那須，沿途走走停停，睇下紅葉就一日。
早餐喺高速休息站解決，有期間限定濶烏冬，好味

無特別plan 行程，經過千本松牧場，入去行下

(繼續閱讀...)

hearoom 發表在 痞客邦 留言(0) 人氣()

 
宿一宵，乾淨企理就得，最緊要平，呢間啱我心水，六百幾蚊一晚，雖然離旺區有少少距離，但我仍認為好抵，入住後忍唔住再睇返係咪記錯價錢
房型 : 標準雙床房
地點及交通 ：酒店喺秋葉原區的小街內，距離JR秋葉原站步程約10分鐘，坐地鐵係都營地下鐵新宿線岩本町站A3出口，行幾分鐘就到，算方便。
酒店有車位提供，每日1500yen，位唔多，最好預約。我當日無預約，被安排泊喺門口，好方便。
附近環境 ： 酒店附近坐落的街道幾靜，行出大街就有便利店及餐廳。
房間設施 : 標準商務酒店，房間比我想像中大，尤其係衛浴，以房間的比例，無想過會有咁大。不過始終近鐵路，幾嘈。
**基本設備齊全
餐飲 : 我間房無包早餐，去餐廳行個圈八卦下，早餐簡單，麵包果汁沙律之類。
服務 : 前台有外籍職員，英文流利，態度好，樂於助人。
酒店設施 : 小酒店，無乜設施
**基本設備 ：衞浴乾濕分離，USB插頭，洗漱用品，沐浴用品，風筒，拖鞋，抽紙巾，熱水煲

(繼續閱讀...)

hearoom 發表在 痞客邦 留言(0) 人氣()

今次係第二次坐大灣航空，雖然去之前都怕佢會改航班或停飛，但最後都順利成行，而且同上次一樣感覺良好。選擇十一點的機，唔使早起身，換來的就係無左一日。去到東京，攞埋車出到市區已入夜。約左同一時間喺東京的友人食飯聚會(喺香港反而唔約🤣)，就回酒店休息了。
分享下今次租車經驗。之前去日本租車通常喺日本車行官網訂，安全可靠，但價錢貴。今次朋友想試試其他租車公司，於是喺trip.com上揀左BE KOBE。價錢優惠，雖然有點擔心，但心想若有出錯，大不了到時立即去返車行租。點知BE KOBE的服務好到完全超出我預期，訂單話可以用what’s app聯絡租車公司，我即管試下，點知公司立即回覆之餘仲好有耐性地解答我所有問題，出發前兩日再聯絡我通知攞車資訊，到達東京機場已收到公司訊息，接我去攞車的專車已等緊我，取車過程爽快順利，還車前一日職員再三確認還車及航班時間，怕我趕唔切飛機，仲再send還車地點及附近油站的google map比我，全程中文交流，職員有禮，服務細心，還車後安排專車送我地回機場。

(繼續閱讀...)

hearoom 發表在 痞客邦 留言(0) 人氣()