旅館放喺想入住溫泉旅館list上好一段日子，估唔到今次急就章都可以訂到房間。旅館喺超過200年的建築入面，能欣賞傳統建築之餘，又可享受內部現代化的舒適設施，對於房間及環境好滿意。但膳食就強差人意，雖然睇評語都話食物係在地食材，天然調味，無添加，未必人人啱食。我只能講句唔識欣賞，食物無嚟紋味，賣相亦唔吸引，比普通旅館的餐膳更差，雖然近年對溫泉旅館的膳食冇期望，但今次係刷出新低點。除此以外，其他都唔錯。
旅館屬休閒類，有好多體驗活動 ： 浸梅酒、Cooking Class，又可以租單車。而且旅館有好大的共用空間，有點心飲品清酒供應，另外附設cafe，喺入面住得好舒服的，記得早早來check-in，好好享受。
入住H房，後來睇資料至知個廳係villa suit中最大
入面左手邊係衛浴，一般配置，冇乜特別。
房間面積大，設計舒適，燈光配置用心，n咁多個燈製搞到頭都大，但始終唔夠光😅
露天風呂，白天一路浸一路望住池塘的小鴨玩，不過夜晚就望住黑媽媽的水池，感覺陰森
睇書位
沖咖啡蕉下
羊皮拖鞋舒服
另一個房間，面積一樣，不過設計唔同，衛浴放埋一齊，用迴廊設計，幾特別，另外有休息地台，唔錯的設計。
呢間的室內浴缸都有景睇
餐廳，中間有個大爐，但無見到燒嘢
晚餐，味道同賣相都唔得，左下角嗰pat魚嚇親我
早餐 自選的燒魚變左汁煮，唔知想點
酒店喺路邊，由幾座不同的建築拼埋一齊
停車場喺馬路對面，唔係幾方便
入到去係另一個氛圍
商店
大廳，深色設計，配合燈光，氣氛沉穩舒適
不同時段有不同小食及飲品供應。
休息室，大大的紅色梳化放中間，配幾張黑色side table，挑高的樓底，成個藝術館咁
和室，木雕的門好靚
配現代化pattern的椅墊，優雅的家具，高雅精緻
花園，落足兩日雨，無出過去
villa suit 喺另外幾座建築物內，要離開主樓要換拖鞋，每間房有自己的小櫃放拖鞋
半露天走廊，圍住水池行
池景日與夜
返回主樓，主樓有兩層，多個房間。
主樓係一個迴廊，中間係花園，所以地下的房間的露台係都係園景。
温泉外的按摩椅
旅館附設的咖啡店，兩日都無開
旅館有好多活動， 單車出租，cooking class
香港食食食 (25)