今日落雨，又濕又凍，天氣唔好，雖然沿途都係紅葉，但冇陽光就失色了。繼續慢活時光，先搵間Cafe開餐，喺等Cafe開門期間經過間雜貨店，入面乜都有得賣，好多地道日本便服品牌都有，行得好開心。餐後去睇星峠梯田，秋冬梯田乾旱冇灌水，野草叢生，叫做睇到一級級，但係景觀麻麻，加上大風又凍，睇咗一陣就走。三點幾至食午餐，好多餐廳都關門了，求其食碗拉麵就去溫泉旅館，對當日的旅館充滿期待呢。
滿山紅葉，好靚……..如果有太陽的話
小鎮上的雜貨店，入面有家具、家品、仲有衫褲鞋襪賣，多數係日本牌子，例如TAION， Natural Laundry，又或者日本好受歡迎的外國品牌，Danner之類，行得好開心，可惜唔夠時間。
小小cafe，老闆一手一腳搞掂，簡單食品，街坊餐廳，就好似我哋去茶餐廳一樣，溫馨小木屋裝飾，我最like
店主裝飾咗一個姆明小舞台，好似我細個做勞作一樣，好可愛
手寫單，好有人味
星峠梯田，有個瞭望台，以為要行去好高，原來只係上一級🙄
入面有間木屋，以為係Cafe，可以坐喺度慢慢欣賞梯田，點知原來係民宿，應該係一軒宿。
梯田喺山谷內，因為唔係高山，梯田係濶同平，無咁立體
飯團店，獨市生意
睇完已經三點，好多餐廳都落咗場，搵到碗拉麵已經好感恩。
食完就直接去溫泉旅館，要知道呢個都係重要景點😁
文章標籤
全站熱搜
香港食食食 (25)