Foodie 生活雜誌

原本行程係去福島，揸車由東京直踩去福島車程太長，所以中途揾地方停一晚，今日的行程就係從東京到那須，沿途走走停停，睇下紅葉就一日。

早餐喺高速休息站解決，有期間限定濶烏冬，好味

無特別plan 行程，經過千本松牧場，入去行下

入面係渡假村，有玩有食有住，仲有温泉浸

最受歡迎當然係販壳店，賣乳類製品

食杯雪糕，睇下紅葉至走

出發往下一站

もみじ谷大吊橋，地方好細，喺條橋行過去對面，喺對面見到熊出沒個牌，又話有蛇，唔敢四圍行，沿橋回來。

我有理由相信呢位仁兄係怕熊，所以扮豹

諗住食麵包做午餐，網上話呢間似魔女宅急便的麵包舖好受歡迎。

可能太受歡迎，加上我成三點至去到，好多麵包都賣晒。

冬天好快日落，溫泉旅館又喺山頂，都係早啲去好了，咁就冇咗一日。