(
餐廳出名french toast，好受歡迎，同層的bills pancake 反而唔使排隊。我早上十點幾到都要等15分鐘)來到行程最後一日，選擇去年頭來但休館的MERCER BRINCH食french toast ，之後去上次未開的銀座蔦屋書店朝聖。之後回酒店坐車去機場。因為買左JR pass，死唔蝕底要用盡佢，所以票去東京站轉Narita Express，今次行李多，都搬得幾攰。去到機塲，團友們擁入去比年宵更旺的手信店，財散人安樂後上機，咁就結束左今次日本東北十天之旅了。 salmon tartar 配toast， toast好柔軟，牛油味香濃，但真係好滯駕駛員早餐食牛扒，果然係幹粗活的咖啡好淡，最特別係餐廳話唔夠咖啡杯，要等有杯至比到咖啡我，真係未試過食完出來更多人，係幾好食，但若要等成個鐘就無謂了銀座有好多特色建築，餐後順路往GSIX，行埋NISSAN概念店呢駕leaf唔錯，好實用，不過香港未出週末的銀座設有行人專用區，成條大街任我行，享受片刻閒暇GSIX signature ，草間彌生南瓜，已經似商品多於藝術，真係too much間間都咁有型的蔦屋書店唔識字，睇室內設計都好滿足書店內有雙生兒星巴克，有你有我繼續有型今次機票每人有46kg，不過我實在無本事攞，無福消受 hearoom 發表在 痞客邦 留言(0) 人氣(207)
(秋田市民市場，好大個牌，離遠都見到)自從多年前蔡瀾先生喺旅遊節目中介紹世界各地的街市，見識到街市就係一個地道食堂，更能了解當地人生活的地方，加上近年愈來愈為食，所以經過街市都會行入去睇下。一早落街四圍行，見到市場個大牌，就朝住市場方向去。市場中等規模，蔬菓海鮮雜貨樣樣齊，地方整潔，貨品種類多，幾好行。仲有食店，可以來食早餐，若住車站附近的朋友不妨來逛逛補給。食完早餐還車後就坐JR回到繁華的東京，結束7日6夜東北之旅。回到東京四圍逛，之後又到晚飯時間，去左之前食過又幾好食的餐廳，由於9:30至有位，食到成12點，真係多謝團友陪我癲。資訊 :
-秋田市民市場
地址 ： 秋田県秋田市中通4-7-35
電話 ：018-833-1855
營業時間: 5：00～18：00（週日休）
- BistroSimba@銀座
網站 : http://bistrosimba.jp/
之前食後感
http://hearoom.pixnet.net/blog/post/341354802 室內市場中間係搞活動你地方，左手面係壽司站，不過太早未開門市場內分四個部分好多貨品，幾好行有個展示歷史的小鋪位海鮮市場即指即食有開餐的地方最驚喜係有筋子飯團，市場熟食店自家製，好正，再回頭買已經剩番一個，行遲半步都買唔到團友食拉麵買生菓上車食，提子好甜，蘋果係全個旅程最好食，所以有時候係撞手神，未必一定名牌至好（當然名牌有保證）滿載而歸離開秋田，火車經過的的地方都好靚，今次見到咁多紅葉，心足了。旅途上最後一個晚餐，食餐好食tasting menu ，因為之前食過，叫廚師盡量唔好重複，點知廚師整左5道魚比我😅仲有青口香菌湯上次食過的扒，今次麻麻地甜品係山椒雪芭配無花果，好好味 hearoom 發表在 痞客邦 留言(0) 人氣(546)
返回市中心，又入住我熟悉的Richmond 集團酒店 ，設施同其他分店一樣。不是今次酒店地點對於自駕的我極為方便，除左酒店
附設停車場外，最好係行前幾步就係
Toyota租車公司同油站，方便還車，而且步行5分鐘就係JR站，還車後行過去都好近。菜市場'秋田國民市場'就在附近，酒店後面有商場同地下食街、便利店等，好滿意的酒店。hearoom 發表在 痞客邦 留言(0) 人氣(758)
由於昨晚到温泉旅館已經太夜，今朝要好好享受酒店設施，死唔蝕底賴到最後一刻至走，十一點至起程。即係又無左半日，沿住稱為楓葉國道的341公路往抱返之溪谷。 一路上滿山遍野都係不同顏色的楓葉， 公路都成為景點。停下影下，中途見到田澤湖的牌就兜入去，不過景色普通，我連落車舉機拍照的意慾都無，兩位團友影兩張到此一遊相就離去。時間浪費了，去到抱返之溪谷已經差不多三點， 抱返之溪谷遊人好多， 沿住山邊窄窄的小路走入河谷，去到回顧之滝就回頭， 沿路欣賞河谷兩岸的紅葉，不過因為河谷比較窄，所望的景觀唔夠寬廣，而且走在溪邊小路，河景都被樹木遮左， 景觀打左折扣。可幸全程路況平坦， 來回唔使一個鐘，非常易行。 離開時又到日落，開車直駛至今次東北之旅最後一站秋田，天氣已開始轉冷， 食完晚餐在附近行個圈就回酒店休息了。資訊 ：-田澤湖 mapcode : 280 834 339*82-抱返り溪谷 mapcode : 280 378 648*78-伝承の味処 無限堂 大町本店 地址 :秋田県秋田市大町1-3-2電話:050-5589-211341國道沿路景緻 田澤湖的唯一相片😂 進入抱返之谷溪，工作人員會在路旁收錢賣票，之後可以在入面停車場泊車。有食堂紅葉季節會有小攤檔擺賣經過搶眼的紅橋進入溪谷進入步道先經過抱返神社好驚😱😱剛剛見到的紅橋，過橋了進入河谷樹枝遮住，好難影沿路景色就似坐電影院前座，好有壓迫感，我一向愛坐後坐嘛倒影穿山窿回顧之潼，日本的瀑布都比較小巧又一個黃昏來秋田一定要食碗稻庭烏冬，我選古色古香的無量堂總店樓上雅座要脫鞋鞋櫃以為細細碟，係咁點，誰知份量頗大，搞到我無位再去食串燒好味烏冬
hearoom 發表在 痞客邦 留言(0) 人氣(537)
温泉旅館其實唔順路，純粹因爲上網見到幾靚，特別過來，諗住可以遊覽埋岩手。可惜因爲另一個唔順路的行程(玉川温泉)，搞到夜晚8點至到，未能好好享受旅館設施。旅館係現代化的日式旅館，保留日式風味之餘又加入現代設計，係我喜歡的類型。旅館在河邊，房間有私人風呂，泡湯時望住小河流水，滿山紅葉，好治癒。早晚餐精緻美味，大浴場小巧雅緻，仲有足湯同休憩空間，望住落地大玻璃外如畫美景，係一間令人放鬆心情的住宿。hearoom 發表在 痞客邦 留言(0) 人氣(818)
食完午餐都差不多日落， 趕到玉川温泉已4點，抓緊落日餘暉，快步進入玉川温泉區內的玉川自然研究路。整條路圍住温泉區，全程大概步行三十分鐘左右，沿住温泉河，經過大噴湯，入面就係處處冒住熱氣的火山谷。呢度最出名係岩盤浴，聽講有治療能力，只要瞓喺地上，蓋著被，靠住地熱的能量治病，能夠治療與否我就唔知，但覺得呢個温泉好有趣，要知道好多温泉谷都係欄住不淮進入，但呢度我可以隨意企入去影相，隨處躺下享受地熱，真係未試過，我比十個趣。hearoom 發表在 痞客邦 留言(0) 人氣(449)
原本行程只著眼於十和田湖、奧入瀨溪流同猿倉温泉，其他景點都無特別安排。點知昨晚往旅館途中經過蔦温泉一帶，楓葉全部變色，好靚，決定今早來行一轉。沿住棧道走入森林，樹葉全部變成橙色，整個橙色森林場景好夢幻，再往前行去蔦沼，雖然最美麗的見頃時期已過去，但仍然可觀。呢度清晨非常熱鬧，好多拍友都想影日出照住個山的「朝燒」時刻。hearoom 發表在 痞客邦 留言(4) 人氣(590)
猿倉温泉旅館係秘湯旅館，不過自從呢個世界有左互聯網，相信已經再無秘密。大多數秘湯旅館都係由發現秘湯的人喺秘湯旁邊起一間小旅館，之後世代經營落去。通常旅館都係規模較少，服務細心，而且位置偏僻，較幽靜，係我喜歡的類型。hearoom 發表在 痞客邦 留言(0) 人氣(1,482)
奧入瀨溪流，東北賞楓熱點，溪流旁的樹葉喺秋天變得色彩繽紛，遊客可以沿住溪流旁的棧道全個行程最擔心的一日。由於其中一位團友於出發前跌傷，唔能夠長時間步行，所以安排上要將就一下。知道沿路可以停車，但又怕車太多無位停泊，準備好幾個方案，好彩最後一切順利，沿路分開幾個停車點，我同駕駛員往回走攞車，團友無需行回頭路。加上天公造美，我總算順利地遊覽左傳說中美麗的奧入瀨溪流。從前東北地方徧遠，奧入瀨溪流係秘景之一，但隨住交通發達，遊人漸多，已經成為青森必遊景點之一，連旅行團都有。 資訊 ：奧瀨入溪流 (沿路無車位，但可靠邊停車)📝奧入瀨溪景點mapcode : 石ヶ戸 Map Code 612 732 504*4馬門橋 Map Code 612 702 325*4阿修羅之流Map Code 612 702 162*14雲井之滝Map Code 612 672 152*6銚子大滝Map Code 612 549 225*10九段之滝Map Code 612 549 624*9📝 若想全程步行，可先將車子停泊在石ヶ戸，步行至銚子大滝再坐公車回石ヶ戸取車 （google 計，步行時間約1.5小時) 巴士時間表 : http://www.jrbustohoku.co.jp/route/detail/?PID=1&RID=1#01先講交通，你可以坐JR 巴士，班次疏，不過旺季會加開若自駕，可以停在路旁，當然以不妨礙他人為主，溪流實在太熱鬧，好多大旅遊車開始漫步奧入瀨溪流，幸運地樹葉都變色了，橙色、黃色、綠色，交織出一個彩色世界，伴著流水潺潺，秀麗的小瀑布，簡直係拍攝者的天堂，除左拍友，亦都吸引唔少人來寫生作畫。以下係一連串的風景照走完棧道出來睇見藍天配紅葉，又一次感謝好天氣錯過左星野酒店的午餐時間，車站的餐廳水準都好好呀 hearoom 發表在 痞客邦 留言(0) 人氣(452)
喺酒店一早起床享受完温泉及豐富早餐後又出發。先往発荷峠展望台欣賞十和田湖全景，十和田湖實在好大，但又好似無特別，望兩眼就離開。之後駕車往湖區最熱鬧的地方參觀，陽光出來了，楓葉的顏色亦更鮮豔，圍著湖的山蠻佈滿不同顏色的楓葉，好靚。hearoom 發表在 痞客邦 留言(0) 人氣(341)
香港食食食 (25)