Foodie 生活雜誌

 
11/2018光顧

(餐廳設計簡單清新)

 
5/2016光顧 
餐廳地點隱密，在葵芳工廠區，樓下係車房或回收鋪，唔係朋友帶我來都唔知有個小天地。一般私房菜形式，廚師提供菜單選擇，當然有需要可以另行商量，價錢另計。食物味道一般，就似一間普通西餐廳上左私竇。不過每位幾百已經可以包場，免開瓶費，算係咁。

  
7/2015 光顧 

店子本身係賣高檔食品，間一個廳出來做堂食，在雪櫃揀完有人煮，廚師one man band, 都係煎下焗下，煮法簡單，食味ok，勝在料靚。店主擺到明做高檔客，價錢唔平，可包場，平日$5000 min pay，假日$7000。有生蠔，pasta, 扒，酒，西洋海鮮可選，食唔夠數可買嘢走都得。個廳因為有人坐緊，唔方便影相，約可容納10至14人，幾張英式大釘梳化圍住兩個茶几，似清談節目嘆酒feel。 好好食就無佢份，但叫做有個地方，自己揀完嘢食有人煮，食完拍拍蘿油走，唔使煩。注意抽風系統麻麻，有油煙味。晚上只營業至10點。
 
由於不提供免費水，餐飲要點，最平感覺又最良好的就係果汁。（硬係覺得明明$5蚊罐可樂，放落隻杯變$28再加一係呃錢的）誰知都係中伏。話說我話個果汁幾好飲，呀小姐立即指一指架上的包裝介紹我，妖....成lite先賣$28，我呢度一杯又係$28， 真係是禍躲不過。
 
  

 

































 

 
 
2/2015 光顧
朋友帶我來，又一間工厦餐廳。室內燈光昏暗，食到好眼瞓，在室內用摺枱摺椅，感覺麻麻。唔明D人做乜係要喺食物上擺拙小豆芽，陣草腥味同食物根本好唔夾！我次次見到著小豆芽就火起，亦會扣分，唔加好過。又alfafa又小豆牙，一睇就知係例牌嘢。食物普通，口渴指數幾高。不過價錢比同類餐廳平，一 行人7大2小叫到成枱都係，又dry age steak 又黑毛豬扒 (個牌係咁寫)，埋單$1800，唔好要求太多了。不過最討厭要收開瓶費，但香檳杯都無隻，無奈。

很少私房菜以地鋪形式營業，無餐牌。你可在訂位時預定餐單，若walk in就由老闆告知是日餐單。菜式無驚喜，賣相普通，不花考，但味道不俗。這裡地方小小(可容納20人左右) 同朋友來此大食會是一個不錯的選擇，等於有個廚師為你準備好，吃完後輕鬆離開，不需善後。
以下菜式為 : 茄子蓉，煎鵝肝，焗蠔，蟹肉闊條麵，白酒毛蚶，聖子皇，mushroom soup , 燒豬肶，羊扒，燒牛柳，帶子意大利飯。