終於來到最後一日的旅程，今晚夜機，所以參加左個local tour，去Prison Island同埋Stone Town。今日明顯被賣豬仔，包左車，以為司機會跟足全日，點知司機放低我地喺碼頭就走咗去接第二單生意，仲車埋我哋啲行李走咗，結果我對鞋甩鞋底都冇得返車度換。講番個行程，先坐艇去Prison Island睇巨龜，個島好細，好快睇完。之後行Stone Town，雖然係超級旅遊點，但都叫做較接近當地人生活的地方，食完晚飯就去機場，結束今次難忘的非洲之旅。感謝好友沿途照顧❤️
- 3月 09 週日 202511:58
2024坦桑尼亞遊 遊記篇 Day 13 - 14 Zanzibar-HK
終於來到最後一日的旅程，今晚夜機，所以參加左個local tour，去Prison Island同埋Stone Town。今日明顯被賣豬仔，包左車，以為司機會跟足全日，點知司機放低我地喺碼頭就走咗去接第二單生意，仲車埋我哋啲行李走咗，結果我對鞋甩鞋底都冇得返車度換。講番個行程，先坐艇去Prison Island睇巨龜，個島好細，好快睇完。之後行Stone Town，雖然係超級旅遊點，但都叫做較接近當地人生活的地方，食完晚飯就去機場，結束今次難忘的非洲之旅。感謝好友沿途照顧❤️
- 3月 06 週四 202511:58
2024坦桑尼亞遊 遊記篇 Day 11 - 12 Zanzibar
連續寫兩日，因為day 10天氣差，全日喺酒店及喺隔離酒店食飯就過左。Day 11天未光就出發去睇海豚，望住個太陽升起，好靚。可惜我跟咗一個好Hea的艇家，佢求其帶左我去個船躉旁邊就叫我落水睇魚，我唔係潛水人都覺得唔係好掂，何況我的朋友個個都係潛水人，更覺得佢Hea到爆，喺嗰度餵吓麵包，玩咗一陣就出發去追海豚。你冇睇錯，係「追。海豚」，因為海豚係野生的，佢游去邊你就要跟住佢，當佢停低你就可以跳落水同佢短聚，之後佢再游你又要再追，如是者喺隻艇度跳上跳落，其實好攰，我跳左三次都頂唔住，不過見到海豚喺你艇邊遊，落到水又見到前後左右上上下下都係海豚，雖然時間短，但感覺又真係好夢幻。估唔到喺非洲可以嘗到海(追海豚）陸（safari)空(熱氣球)之旅，夠哂皮了。
- 2月 09 週日 202509:52
2024坦桑尼亞遊 遊記篇 Day 10 Zanzibar
第二日都係繼續hea，經過之前一星期的safari，每日早起，舟居勞頓，真係幾攰，來到Zanzibar 就係食同瞓了。住宿喺海邊，出面就係一個長沙灘，行下曬下太陽又一日。喺天台飲緊啤酒，見到海邊好熱鬧，落去八下，原來漁夫捕魚歸來，海邊變成臨時市集，幾有趣。晚上去左酒店介紹的餐廳，一間喺小島上的餐廳，潮漲時要坐船仔過去，我以為自己去左東南亞。
- 2月 06 週四 202509:53
2024坦桑尼亞遊 遊記篇 Day 9 Serengeti - Zanzibar
終於完結7日safari之旅，最初計劃係完左safari就返香港，但我覺得咁遠飛到過來非洲，無理由咁快走，點都要揾多一個地方去，咁啱團友睇左youtuber Polly小姐的介紹，想去Zanzibar 睇海豚，咁我地半團人去Zanzibar ，半團人返香港了。作為一隻井底蛙，對非洲的印象係草原、獅子、大笨象及土人，從來無想過會有沙灘，仲要係水清沙幼的沙灘，簡直係跳出我的認知，真無知。喺Zanzibar 的五日四夜都係住沙灘旁的酒店，純渡假mode ，我覺得Safari 係被包裝後的非洲，所有接觸的人與事都經過過濾，全屬高級出品，到Zanzibar 係半包裝，雖然都係遊客區，但已令我接觸到少少當地人同比較地道的食物，係另類開眼界的體驗。
- 1月 28 週二 202511:35
2024坦桑尼亞遊 遊記篇 Day 8 North Serengeti
天未光就起身去坐熱氣球，我未坐過，感覺新鮮，聽講話平時坐熱氣球就咁升上去，無咩睇，幾悶下，我款會見到動物喺地上跑下，叫做生動點，可惜飛得唔算高又無乜動物，叫做飛過啦。反而降落後的原野早餐幾有貴族感😀之後join番其他團友繼續safari。咁多日safari都未試過喺酒店午餐，今日決定唔好咁chur，喺酒店午餐及瞓晏覺，點知下午有大象家族來探訪，大鄉里的我當然又影一餐。黃昏再去一轉safari，居然執到個尾彩，連最難遇見的金錢豹都睇埋，非常完滿。之後喺河馬屋企旁邊開個祝酒會，正式結速7日6夜safari之旅了。今晚要執行李，明日去另一個截然不同的地方 : Zanzibar。
- 1月 25 週六 202512:20
2024坦桑尼亞遊 遊記篇 Day 7 North Serengeti
來到第6天，繼續Safari。一出門口已經見到獅子家庭開餐，近距離觀看，聽到獅子咬碎骨頭的聲音，比電視機睇到的真實得多。行兩行又見到一對獅子交配，睇足幾個round至走😝再行一陣又見到睇水的獅子兄弟，簡直就係獅子生態團。午餐後又收到風有crossing ，其實我睇左一次，又唔係一定要再睇，但領隊好有心，堅持要我哋等，我真係好敬佩佢哋對份工咁有熱誠，照理做左咁多年，睇左無數次crossing ，睇唔睇到對佢哋來應該係無乜所謂，我哋唔睇佢仲可以休息下，但領隊仍然好希望我地能夠睇到，係咁陪我哋等，最終睇到大家都好開心。
- 1月 22 週三 202512:21
2024坦桑尼亞遊 遊記篇 Day 6 North Serengeti
- 1月 09 週四 202511:28
2024坦桑尼亞游 住宿篇 Asilia Ubuntu Camp
- 12月 27 週五 202411:29
2024坦桑尼亞遊 遊記篇 Day 5 Central Serengeti
今日繼續Safari，天未光就出發，八月份的坦桑尼亞早上清涼，要著風褸。架車喺酒店駛出來轉個彎已見到獅子伉儷想交配，係想咋，等左一陣見無動靜我地就走了。沿路見到不同動物， 之後領隊收到風話附近發現一大群獅子，結果大家都蜂擁而至，最後亦不負眾望，一大堆獅子有老有嫩，遂一從灌木林中行出來，再去樹下休息，其中一隻仲喺車群中左穿右插，令我大開眼界。
- 12月 24 週二 202408:03
2024坦桑尼亞遊 遊記篇 Day 4 Manyara to Central Serengeti
香港食食食 (25)