(11點已排成咁)
雖然我唔係炸豬朳迷，但去到日本總係想食一餐，因為日本的炸豬扒肉質特別鬆軟，米飯粒粒精瑩，好好食。今次呢間係人氣食店，星期六早上十一點嚟到已經要排長龍，多謝好友肯陪我癲，足足等左成個鐘至可以坐低食。為左節省時間，排隊時已落單，餐牌有好多款豬扒，唔識分，排左咁耐，唔可以求其，所以忍痛點隻價錢最高的(2590yen$。豬扒鮮嫩，鬆化可口，炸漿又薄又脆，隻油好清，無油味，毫不油膩。但又不至於傳說中咁入口即溶，佢始終係一舊豬扒。椰菜絲爽甜，麵豉湯清甜，全個餐都滿意。朋友點的好似係豬柳，只記得肉質較實，普通。
可以試下，不過要衡量下係咪值得花時間咁等了。餐廳附近有間超市，車站有個小商場，若兩個人輪流等，what's app 通知的話，時間會過得快d。
地址：東京都新宿区高田馬場1-32-11 小澤ビル地下１F
hearoom 發表在
痞客邦
留言(0)
人氣()
酒店西新宿Mystay附近的烏冬店，烏冬彈牙有勁，簡單的加豉油已好好味，我加左明太子，另外有炸物及冷盤可選作加餸，營業時間到深夜二時，係住在附近的消夜之選。
地址: 東京都 新宿区西新宿7-9-15
烏冬選擇多，點餐似香港的車仔麵，先選烏冬，等店員即煮
hearoom 發表在
痞客邦
留言(0)
人氣()
一向對甜品興趣不大，但好奇心總是有的，見到合心意的介紹都會幫襯。首次認識PIERRE HERME係佢個macaron ，曾試過著名的Laudree，但太甜，不對口味。食過朋友介紹的PIERRE HERME，唔太甜，多種味道都好香，好好味，印象深刻，所以估計甜品都必定出色，決定朝聖。
店子在大街上，分兩層，地下為零售，餐廳在樓上。餐廳座位唔多，當日唔使等位。店員細心地為我地掛起外套，之後就介紹餐牌，因為朱古力系列有數款由不同濃度朱古力製成的甜品，所以侍應先比原片朱古力我地試味，好認真。朋友試後點左dark chocolate 朱古力球，我點左簽名甜品Ispasan。
朱古力球真係好大驚喜 ，送來時係一個普通朱古力圓球，侍應將熱朱古力漿倒在球上，睇住朱古力球慢慢溶化，好開心。朱古力球內係焦糖雲呢嗱與香濃朱古力雪糕，加上脆脆，堪稱色香味俱全，滿分！
hearoom 發表在
痞客邦
留言(0)
人氣()
聽講近年東京的有名食店好難訂位，尤其係對外國人更嚴格，今次呢間星級天婦羅店係朋友代訂，有幸一試午餐，畢竟晚餐太貴了。餐廳在銀座的商厦內，分兩段時間用餐，12:00至1:30及1:30至3:00。幸運地由近藤師傅親自主理，師傅年紀唔輕，全程專注地對住兩個鍋，用心工作，食材新鮮，炸漿薄，應該係不錯的天婦羅，但唔知點解硬係不對胃口？想想終於明白原來係用油的關係！關東天婦羅用芝麻油，對我來講太重口味，我喜歡關西的紅花油，所以可能對好多人嚟講係美味的一餐，於我就一般了，除左套餐，亦追加著名的炸蕃薯，但都係一般，並無網上講的驚為天人，可能我唔識欣賞。虛榮的窮風流總算試過名店，感謝好友為我張羅。
近藤師傅
hearoom 發表在
痞客邦
留言(4)
人氣()
吉祥寺係另一個家品雜貨天堂，一出車站北口已經係購物街，購物街固然好好行，但亮點係東急百貨後面的幾條街，好多個性小店，家品、日本style 時裝，小物等。同自由之丘頗相似，但因為店鋪在民居，感覺更親民，不太商業化。 喜歡的品牌如natural laundry, grin 等都可以在此買到。去到商店街就更熱鬧，除左一般藥房家品店，亦有東急及Paco，仲有一楝六層專賣outdoor 用品的店，呢度唔似新宿池袋等地方咁有壓迫感，逛得舒適，好喜歡的一個地方。
吉祥寺街頭
hearoom 發表在
痞客邦
留言(2)
人氣()
Z和牛Omakase ，將和牛以不同方式烹調，因為唔知食咩，所以由頭盤至甜品，每一道菜都充滿期待，呢餐食足兩小時，好滿意。餐廳在人形町地鐵站附近，因為並非於熱鬧的大街，加上冬日晚上街燈微暗，街上靜英英，以為走錯地方。其實餐廳就在東橫inn 隔壁。餐廳細細間，只有約二十個座位，其中部分係吧枱坐，星期三晚上都坐滿客人，我當然係預先訂位了。
網址 : http://www.zen-wagyu.com
室內就係咁大，一眼見哂
hearoom 發表在
痞客邦
留言(0)
人氣()
旅館的晚餐並非名貴菜式，選用的都係在地食材，蔬菜，雞肉，牛肉等，大部份由附近農場供應，以圍爐燒方法處理食物，好有風味。於餐廳廂房內用餐，全部為獨立房間，不過因為我地得兩個人，所以房間與另外二人分享，中間以屏風隔開，問題不大。女侍應一人服務兩個單位，頗忙碌，幸好手藝純熟，燒得一枱好食物
晚餐處，全部廂房內用餐
hearoom 發表在
痞客邦
留言(0)
人氣()
旅館房間分佈在主樓以外的兩幢建築物，其中一幢在河邊，以天橋連接主樓，我入住的房間「せせらぎの間」就係喺呢幢。房間附私人風呂，打開露台門就係半露天風呂，雖然樹枝光禿禿的有點瀟剎，不過因為在河邊，又可以睇到小瀑布，晚上打燈更靚，整體感覺係唔錯。其實呢間房在最低一層，大浴場、露天温泉同貸切風呂都係呢層，全層只有我呢間房。房間旁邊就是露天風呂入口，房間附有的風呂，睇個setting都應該係其中一個貸切風呂，若無人book 房就release 番出來。
整間旅館的感覺就似坐左時光機進入古時，在古式環境內卻又享用現代設施，品味著在地食材的晚餐(另有文章介紹)，在山中享受寧靜時光，隔天早上更被我遇到飄雪，一個美好的旅程。
hearoom 發表在
痞客邦
留言(2)
人氣()
(旅館外貌)
温泉旅館在我的旅行名單中book mark 左好一段日子，難得今次去東京逛逛，就以此旅館作中途休息吧。旅館離東京好遠，在深山中，坐JR 由新宿站至中之条站已經要差不多三小時，再加上酒店專車接送約45分鐘車程，足足要四小時至到。
整個旅館就係景點，旅館佔地大，由多間古貌木屋組成，旅館主人係古董收藏家，所以建築群內除左旅館主樓，仲包括收藏館，加上蕎麥麵教室及辦婚禮用的小屋，慢慢行都要半天。旅館古色古鄉，似進入了另一個時空。
hearoom 發表在
痞客邦
留言(2)
人氣()
(奧涉街頭)
東京大商場臨立，來一百次都逛唔完。大型商場雖然貨品集中，卻千遍一律，我比較喜歡漫步小街，睇不同的個性小店，所以代官山，中目黑，南青山，吉祥寺及自由之丘都係我愛逛的地方。今次除左舊地重遊，仲加左去兩個新地方 : 二子玉川及奧涉。
因為有triangle ticket 一日卷，所以我將奧涉，二子玉川、中目黑及自由之丘排在同一天(其實還想去代官山及三軒茶屋，可惜無時間)。Triangle ticket 係東鐵推出的一日卷，只需400yen就可以於涉谷，自由之丘以及二子玉川組成的三角區內的任何車站自由上落。在JR涉谷站轉東急東橫線，在購票機選英文，再選triangle ticket 就得。要知道坐火車平一程都要140yen，基本上坐三次已回本，又慳番買票時間，若去到不喜歡的地方可以立即離開，唔使心痛車費，非常抵用！
hearoom 發表在
痞客邦
留言(0)
人氣()
因為新年關係，好多食店都仍未營業，呢間在酒店附近，似大牌檔，好多本地人光顧，連續兩晚經過都係高朋滿座，心諗應該有d料到，決定試下。餐牌全日文，但有略懂英文的侍應，加上漢字，點菜問題不太大。兩個人，點左小食、沙律、魚生同炸蠔，食物大大碟，價錢大眾化，食物加兩杯梅酒，前菜小食，連稅約七千多yen，若住附近又諗唔到食咩都可以一試。
地址 ： 新宿区西新宿7-14-14
hearoom 發表在
痞客邦
留言(0)
人氣()
近年去東京已經唔會去築地市場，因為人太多，食物又唔係特別，不過今次同行朋友未去過，又再重遊一遍。
先到鳥藤食親子丼，因為大部份人都係為海鮮而來，又可能時間尚早(9時左右)，到達時只需稍等五分鐘。我點左雞球飯，網上介紹係用雞尾(即係屁股肉)做，但我來到睇中文餐牌寫的係雞球，可能雞尾未必人人接受，所以改個叫發，其實根本就係雞尾。雞肉每件小小的連住雞皮，加上醬汁燒香後蓋在飯面上，再加上雞蛋，黃澄澄的蛋汁與雞飯混在一齊食，好香好好味。不過我個人口味偏淡，稍嫌醬汁太濃。朋友點的親子丼即點即製，雞嫩蛋香，雞有雞味，蛋有蛋味 ，唔錯。
雞球飯
hearoom 發表在
痞客邦
留言(0)
人氣()
