一早出發，先往華巖瀑布，途經著名的日本車道百選之一的日光いろは坂 (日本特別多呢類排名，其實唔使咁認真），比車手過下癮。車道分第一和第二いろは坂兩段，一進一出。原本第一站係日光明智平展望台，坐纜車上展望台可以一覽華巖瀑布全景。瀑布好特別，係中禪寺湖底因爲壓力而破出一個缺口，水從缺口向下流，形成瀑布，所以一定要往展望台睇全景至有意思，可惜當日居然遇到纜車維修！殘念！！唯有直接開車往華巖瀑布，但已經唔係嗰回事，若無左個湖，只看瀑布，就係一條普通的瀑布。之後再往東照宮，由於團友們興趣不大，想去宇都宮shopping，所以東照宮無入、神橋都無去，只匆匆在東照宮外圍逛一下就離開。之後往宇都宮行街晚飯。翌日去完outlet 就坐飛機回香港，九天旅程結束。hearoom 發表在 痞客邦 留言(0) 人氣(95)
(
酒店外貌帶點古典西洋氣息)hearoom 發表在 痞客邦 留言(0) 人氣(281)
計劃行程時考慮到其中一位團友喜歡漫畫「頭文字D」，漫畫中的其中一個重要塲景就係呢條通往榛名湖的車道，不過可能太多人飈車，所以彎位都有晒speed pump，防止意外，但總算感受過。到達榛名湖畔，冬去春未來，湖面仍有結冰，山上樹枝光禿禿，遊人疏落，冷冷清清，不過正好比機會駕駛員肆意地玩航拍，大滿足。之後坐纜車上山，四圍行下就開車去下一站 ：日光。 hearoom 發表在 痞客邦 留言(0) 人氣(413)
伊香保温泉歷史悠久，係日本首批規劃的温泉觀光區，我係被佢個石段階吸引來。不過可能發展停滯，相比草津溫泉的熱鬧，伊香保温泉鄉就失色不少，簡直有點落索的感覺。温泉鄉的特色係温泉大街係一條長石階，店鋪在石階兩邊，當日其實遊客不少，可惜店鋪大部份關門，有營業的店鋪都頗殘舊，好多都係舊式攤位遊戲，就似時光倒流。行到石段盡頭，穿過寺廟往温泉公園，沿途店鋪破落，温泉公園更加似已經荒廢，不去也罷，唯有早點返旅館泡湯。伊鄉保温泉鄉可以算係我去過咁多個温泉鄉中最無意思的一個，整個温泉區似日久失修，光輝不再的感覺。 hearoom 發表在 痞客邦 留言(0) 人氣(331)
(旅館就在伊香保温泉入口，望落有點規模) hearoom 發表在 痞客邦 留言(0) 人氣(880)
離開草津溫泉後出發往伊香保温泉。去今次行程重點之一的清水屋食烏冬。日本有三大烏冬，分別係秋田県的稻庭餛飩、香川県的贊岐烏冬同群馬県的水澤烏冬。稻庭同贊岐食得多，水澤烏冬就第一次食，當然要選已經有400年歷史的元祖的清水屋，烏冬全部自家製，只提供冷烏冬，配上麻醬汁食，烏冬彈牙有咬口，介乎於稻庭的滑及贊岐的彈牙，可能先入為主，麵質無稻庭及贊岐般突出，不過作為一個烏冬迷，總要完成心願試齊佢。餐後往水澤觀世音行一圈就往伊香保温泉出發了。hearoom 發表在 痞客邦 留言(0) 人氣(248)
由於團友們對温泉酒店要求唔高，所以只訂普通旅館及館內最普通的房間。小小的旅館，服務不俗，基本設施都有齊，晚餐一般，普普通通的一間舒適旅館，價錢合理，位置在草津温泉的中心，步行五分鐘就到湯畑。不過對於我呢個温泉控來講，經過今次的經驗，下次我會選擇素泊，因為草津温泉同城崎温泉一樣，係發展成熟的温泉區，有好多湯屋同餐廳，若非要求高，只租房間，到時著住浴衣再去不同的湯屋泡湯更開心。hearoom 發表在 痞客邦 留言(0) 人氣(1,922)
小布施係位於長野県內的一個小鎮，又名粟子之鄉，亦係浮世繪大師葛飾北齋曾經停留作畫之地，我對浮世繪全無興趣，當然只著眼於粟子。心目中係來逛小店，散步，食甜品，可惜又係來得不是時候，街上冷冷清清，我一度以為去錯地方，同清里一樣，似乎冬季係不適宜來遊覽。我又一次覺得冬季日本的鄉郊只適宜滑雪及温泉。(其實都有好多人會安排去附近睇猿猴浸温泉後再來逛街)hearoom 發表在 痞客邦 留言(0) 人氣(179)
(旅館外貌，旅館分新館同舊館，遊客入住新館，舊館用來搞活動，亦較殘舊)
清里高原係夏天的避暑勝地，清泉寮係當地一間規模最大的旅館。旅館好有歷史，於1938年興建，原身係一個教會組織的青年營，由美國傳教士企劃。旅館佔地廣，規模大，除左住宿大樓，仲有自然學校、工房、牧場，夏天來一定好熱鬧，尤其適合小朋友。我冬天來，清靜好多，但活動亦都少好多，不過房間舒適，又有温泉，係享受寧靜的好地方，旅館提供一泊二食，早晚餐都係自助餐，食物普通。
資訊 ：
清泉寮
地址 : 山梨県北杜市高根町清里3545
電話 : 0551-48-2111
有巴士從新宿接送
旅館大堂，旅館兩層高，房間分佈在地下及二樓
女兒節，教小朋友摺紙
我地房間在二樓
房間幾大，樓底高
廳房可以自行拉倘門分隔
梳化床瞓多個人都得
室內有冷暖氣，若你有興致，可以用火爐取暖，有哂工具
使用火爐教學圖
簡單水吧
衛浴
天氣寒冷，浴室都幾凍，我都係去大浴場沖洗
早上起床，一室陽光透入
露台望向群山，天氣好可以望埋富士山
房間外觀
温泉設在旅館盡頭
(圖片摘自官網)
露天風呂望山景
餐廳在另一楝大樓，真係好似去camp
餐廳好大
晚餐係半自助餐，自選主菜
頭盤甜品自助
早餐可以欣賞窗外景色
自助早餐，好食過晚餐
自家生產牛奶
心曠神怡
清泉寮佔地廣，好多活動
位處高原，避暑勝地
好多活動，包括野外探索，暑假同小朋友來應該幾好
介紹附近的動植物
好多鳥居，等待小鳥歸來
提供雪兜玩雪，旅館係小朋友天地
hearoom 發表在 痞客邦 留言(0) 人氣(434)
清里位於高原，冬天滑雪，夏天可以探索大自然，係渡假的好地方。可惜我來得不是時候，我初春來到，仍然係雪季，真係只有滑雪。好多店鋪都唔開，冷冷清清的，大煞風景。但我相信除左冬天，其他季節來會好得多，因為清里環境舒服，似一個外國小鎮，充滿童趣，我下一個景點係温泉鄉，去完小鎮再去温泉鄉，感覺截然不同，可以為旅程帶來點變化。
hearoom 發表在 痞客邦 留言(0) 人氣(518)
香港食食食 (25)