Foodie 生活雜誌

 
2016 瀨戶內海一圈遊行程 (包括: 廣島、愛媛、高松、直島及小豆島)

最後一日，食完早餐就出發去機場。剛到達廣島機場時，只覺得機場唔大，靜英英，商鋪食店都唔多，諗住離境大堂都無咩好行，點知大跌眼鏡，原來離境大堂有好大間免稅店，當然無北海道咁誇，但無論食的、用的、書店、電器一應俱全，臨上機前補貨或最後至來買手信都得。咪以為咁就買完，入閘後仲有「北海道三寶」： Royce 朱古力、三兄弟薯條同La Tao cheese cake。機場餐廳都唔錯，2/F咖啡店頗精緻，若果食蠔食到意猶未盡，3/F有間店，外面有枝旗寫住個蠔字，可以入去刷番餐，試哂不同煮法的蠔料理。若果回程日無咩做，不妨早點去機場check in 後行下仲好，唔使一路玩一路心掛掛怕miss 班機，最適合我呢類有旅行緊張症的人。
幾大的免稅店

 
尾道係四國單車旅遊的其中一個重要地點，可以由此作為單車遊瀨戶大橋及連接各島的起點或終點站，喺呢度你可以找到呢間充滿型格的概念店  : ONOMICHI U2。 地點在海邊一個翻新的舊貨倉內，內裡有生活雜貨店、單車店、餐廳及酒店。整個地方係為單車客而設，可以租單車，亦有locker或沖身設施，方便單車友。今次我入住的就係貨倉內的酒店Hotel cycle。 酒店採用工業風設計，充滿型格。為方便單車客，內裡通道寬闊，房間外設有單車停泊處，甚至將單車掛入房間亦可。早餐簡單，但新鮮出爐的麵包好好食。ONOMICHI U2 整個project 就係型，整個計劃同當地旅遊業好配合，又可以注入新意，雖然我無踩單車，不過好欣賞個意念，所以今次以此地作為景點，入住此酒店。
 

去到尾道settle down 後已八點，好多食店都關門，想食蠔，酒店職員介紹呢間。見係西餐廳，諗住都係食西洋蠔，無意思，但已經無其他選擇。點知原來食的係日本蠔，有驚喜。可以點生蠔或燒蠔，除左大隻的大倉一定要燒之外，其他都點生食，蠔味鮮甜爽脆，但喜歡金屬味重的就要失望了。其他食物亦不俗，沙律菜新鮮，意粉有咬口，用白酒煮的青口同蜆都好鮮甜，可以一試。
 

 
今日係行程最後一天，hea 住遊。早上在旅館嘆到十點幾先離開，呢個時候開始落雨，對於呢塲雨我好感恩，感謝上天在我去完哂重點行程先落雨。回到高松行瀨户大橋去倉敷，之後發現其實可以坐船去岡山，慳番半小時車程，不過行埋呢條橋感覺會更圓滿，因為兩條大橋都係跨過瀨戶內海連接四國，在我心目中，行哂先至係一圈遊。
再見小豆島

(醬油之鄉，晚餐中，醬油當然係主角，味道由淡至濃)
一間如此精緻的旅館，令我對晚餐充滿期望。可惜係精緻有餘，食味不足，口味清淡份量少，根本食唔真個味道，有點到喉唔到肺的感覺，所以懶得遂一介紹，相片次序跟餐單，有興趣請自行對照。不過觀感上就攞滿分，所有食具擺設就如藝術品一樣咁靚，算係眼睛大滿足。

島宿真里共有七間客房，每間佈置同設計都不同，可以在網上選擇。今次我分別訂左房間て及な。因為價錢較平的房な類型無房，唯有加少少錢住て，但見到實景後，我喜歡な多d，感謝團友肯同我換房。
先介紹な，客室在大廳的另一面，要穿過木門行長走廊至到。

入住島宿真里係我遊小豆島的其中一個目的，我對呢類精緻的小型温泉旅館情有獨鍾，所以跟住幾篇都會係酒店篇。島宿真里原址係一間醬油廠，後來改為旅館，已有八十幾年歴史，係國家文化遺產。全館只有七間客房，房裏基本上係無景可睇，温泉亦普通，喜歡的係館內一份沉厚內斂的氣氛及每一個細節，旅館四周有好多精緻擺設，古色古鄉之餘卻又設備現代化，兩者和諧並存，毫無衝突，店員細心體貼，輕聲細語，好舒服的一間旅館。
直接預訂
http://www.mari.co.jp

(天使之步道 潮退，神奇步道現身)
今日繼續check point 遊。重點係去中山千枚田區睇展品「橄欖之夢」, 一個竹棚靜靜的坐落於梯田中，外形獨特之餘又有實際用途，可以供農民休息或作為活動塲地，感謝上天賜我好天氣，風和日麗，攤在竹棚內吹住微風，懨懨欲睡，可惜團友在外面等，不能久留。之後再睇多幾個展品，不經不覺已到十二點幾，潮退時間，可以行戀人聖地天使之步道了。

(酒店外貌)
上網揾小豆島住宿時，發現好多都較舊，房間啱就二食唔啱，結果都係以食為大前提，選左呢間在樂天食物有4.7分的松風。酒店近土庄港，臨海，外表唔多似温泉酒店，似渡假resort 多d。房間普通，係一般日式房間佈置，有對海露台。温泉普通，無景可睇。酒店服務好好，美少女侍應曾於美國留學，英語流利。