入住島宿真里係我遊小豆島的其中一個目的，我對呢類精緻的小型温泉旅館情有獨鍾，所以跟住幾篇都會係酒店篇。島宿真里原址係一間醬油廠，後來改為旅館，已有八十幾年歴史，係國家文化遺產。全館只有七間客房，房裏基本上係無景可睇，温泉亦普通，喜歡的係館內一份沉厚內斂的氣氛及每一個細節，旅館四周有好多精緻擺設，古色古鄉之餘卻又設備現代化，兩者和諧並存，毫無衝突，店員細心體貼，輕聲細語，好舒服的一間旅館。
直接預訂
http://www.mari.co.jp
旅館外貌
入旅館前的玄關已洒水，表示歡迎
先坐下check in
最吸睛的係呢個酒櫃，有不同味道的花果酒，晚飯後可以過來任點任飲。
以小豆島食材: 橄欖、黃豆、豉油等製作的小食。
館內有小賣部，陶瓷好靚，但價錢較貴，得個睇字
旅館喜歡以藤籃做裝飾，到處可見
館內處處可見心思小擺設
喜歡整個氛圍，連洗手間都不放過，影影影
温泉，早上分男湯女湯，晚上係貸切風呂，兩個皆可用，入去時反轉個牌代表有人。房間可上鎖
小小的温泉，燈光營造效果
室外，在豉油筒內浸
旅館附近的住宅，每間的門牌都係豉油筒形狀
請先 登入 以發表留言。