Foodie 生活雜誌

(天使之步道 潮退，神奇步道現身)

今日繼續check point 遊。重點係去中山千枚田區睇展品「橄欖之夢」, 一個竹棚靜靜的坐落於梯田中，外形獨特之餘又有實際用途，可以供農民休息或作為活動塲地，感謝上天賜我好天氣，風和日麗，攤在竹棚內吹住微風，懨懨欲睡，可惜團友在外面等，不能久留。之後再睇多幾個展品，不經不覺已到十二點幾，潮退時間，可以行戀人聖地天使之步道了。

梯田旁的展品 : 橄欖之夢

 似一個太空基地

 定係大筲箕？

 入面仲靚，中間可以瞓覺，要除鞋，我就攤左一陣，好舒服

 

 要付費，所以無興趣的團友在外等

天使之步道係連住兩個小島的沙灘，當退潮時，路就會出來，傳說與愛人一同走過就會有幸福的未來。日本人就係識包裝，所以全國有N個戀人聖地。走上瞭望台影個全景，上面有個戀人鐘，又有地方掛牌許願，戀人就係搞呢d，雖然造作，但難得係唔覺娘炳突兀。

 許個願，要永永遠遠在一起呀 !

 講到咁勁，梗係要行啦

島後面另有一個島，可以行埋過去，不過就係行石邊，我老人家就無謂行，怕跌落海，見幾個小朋友跳下跳下就走左去

跟住去醬油博物館，是日免費入場，展館做得唔錯，展示到當年醬油廠的面貌，有興趣可以食下醬油雪糕。

 

 

今晚的住的係我心水温泉酒店，所以早早去check in。不過check in 後忍唔住去附近睇多幾個展品，結果回酒店又入黑了，晚上就在酒店享受美好的時光

又睇check point，今次深入民居

好未來feel

神社加未來怪獸，傳統與未來的結合

天光睇到天黑

今晚住宿