Foodie 生活雜誌

一早坐8:00高鐵出發，辛苦過返工。因為買唔到西九龍直車去桂林，所以喺廣州南站轉車去陽朔站。到達後叫滴滴去酒店，車程要個零鐘，途中司機問我哋要唔要食午餐，之後車左我哋去佢介紹的餐廳食飯，去到覺得伏伏地，因為餐廳外泊滿滴滴七人車，即係好多客都係司機帶嚟食。去旅行預咗俾人呃吓，隨遇而安，果然呢餐食咗成五舊水，之後幾日知道其實兩百幾蚊一餐已經可以好豐富，除左價錢，其實食物係ok的。食完就去酒店check-in，今日落雨，晚上去出去市中心行吓，食埋晚飯，因為落雨，天氣又凍，行個圈就早早返酒店休息了。

有興趣睇番之前的分享，請click 👇🏼

#2025桂林陽朔遊

一早出發，去程好彩仲買到一等坐，回程要坐二等了，雖然二等坐都唔錯，但始終一等坐個位濶d舒服d

團長準備的早餐

轉車時買咖啡，只得KFC揀，唔明點解瑞幸開喺閘外😡

見到奇特的山峰，就知道到了

陽朔同桂林的地形好特別，好似所有平地都被山包圍咁，抬頭就係一座座山

出閘至揾滴滴就得，唔使預訂

司機先生帶我來午餐，林大姐啤酒魚(興坪店)。門口泊滿出租車，心知不妙

桂林出產甘蔗，所以好多竹筒，有竹筒飯同竹筒雞湯

點咗地道的啤酒魚，竹筒飯，竹筒雞湯，豆腐，雞係炆的，比較靭。食物味道唔錯，只係價錢高左啫

經過煙花店，買定煙花諗住夜晚喺酒店附近燒，少爺仔上次喺雲南玩過，好開心，點知天氣唔好，酒店又唔俾燒，結果浪費了

先到酒店check in，參觀酒店，再休息下至出發

晚上去陽朔西街食晚飯，四處逛逛。

晚餐餐廳係酒店姐姐推介，桂北融合菜，唔知咩嚟，應該係冇咁傳統咁解。味道唔錯喎，蔥爆黑山帶皮羊肉好味。

飯後逛陽朔西街，又凍又落雨，冇乜人

喺大陸，所有動物都變成寵物

團長好鍾意呢啲手搖茶，個杯幾靚

美團外賣宵夜，等到瞓着覺