食完早餐後包車出發去龍脊，車程要兩個幾鐘，到左景點要轉電瓶車站上山睇梯田，但係司機話季節未到，冇灌水，無咁靚，叫你哋考慮唔好嘥錢，只因每個客人都會走呢啲景點，佢至帶我哋去。
司機之後車咗我哋去千層天梯觀景台，放眼望遠，整個山谷都係梯田，又真係幾靚。睇左一輪就去附近的民宿搵食。山上的民宿對正梯田，若遇啱灌水的日子住喺度，應該好靚。完結旅程出到市區已經入夜了，作為一個城市人，我當然又去返最熟悉的萬象城，食完晚餐就返酒店休息。第二日一早食完早餐就出發去高鐵站，搭車直接回香港，旅程完結了，桂林陽朔係一個唔錯的地方，車程又近，可以再來。大前提係揾間對的酒店。
喺國內，去景點買入場券係常識，入面有巴士載你去不同景點，就算自駕都要買票。
門口的梯田瀑布，雖然係人造，但都幾靚
梯田上有個寨，咁斜，唔知點樣上去？
長髮邨，旅遊季節的時候會有長髮姑娘表演，而家淡季，莫講話長髮姑娘，連餐廳都冇開。
去到景點觀景台，有煙霞，濛查查，肉眼見到梯田，但係影相就睇唔到
師傅帶我哋去另一個觀景台，其實佢係放低我哋喺附近望吓，係我四圍逛至發現個觀景台。
整個山谷都係體梯田，小屋星羅棋布，整個地形好特別。
仲有纜車，若果住喺度兩日一夜，可以周圍行吓
橙色衫的伯伯好鍾意影相，係咁攞pose叫朋友幫佢影相，成個網紅咁。
呢位伯伯路邊野花都照採，原來係比太太用來影相，好鬼sweet
可以租無人機影相，真厲害
近距離欣賞梯田
龍脊入面有好多民宿，全部面向梯貼。
我哋喺其中一間食午餐
望住梯田打鞦韆，有feel
去到万象城已經係晚餐時間，晚餐食越南菜，唔好食
好彩有我最愛的阿嫲手作
再見桂林
旅程最後一餐，以KFC結束
文章標籤
全站熱搜
香港食食食 (25)