Foodie 生活雜誌

 
今日又係老爺的受難日，6小時長途車，始終成車婦孺，老爺想盡量喺入黑前到達，所以見佢都有點緊張。但無可能六小時直踩，就算揸車的捱得住，小朋友都頂唔住，所以中途去左有塘鵝睇的 Entrance 鬆一鬆，仲食 左個好好味的炸海鮮盤。

昨日的黑氣似乎已經過去，一早去屋主介紹的咖啡店social ground食個豐富早餐，除左例牌美味的雞蛋同牛油果以外，仲有好好味的muffin ！其中的白朱古力士多啤梨麥加果仁muffin，好味到預訂第二日再來食。食完早餐行過對面見到有個grower market，新鮮靚仔的農作物似對住你笑，齋睇都覺得有幸福感。之後去附近的lighthouse beach 散步，藍天白雲，真係點睇都靚。睇完又到午餐時，喺市中心午餐後比我地遇到市集同澳洲卓悅，餓左幾日未能shopping 的三個女人立即如狼似虎，可憐的老爺同三位小朋友只能乾等。唔知點解每日的時間都過得好快，行一陣就天黑(係咪真係一陣?) 回程時經過另一沙灘欣賞晚霞，簡單的又過一日。

 
(大屋外表樸實，旁邊的尤加利樹會有樹熊出現....若你幸運遇見的話)

 
2017澳星遊 Day 6 Gold coast - Port Macquarie

 
今日揸番車上Brisbane ， 老爺晨早起身打霧水兼釣魚，連埋昨晚放喺水入面的蟹籠，兩者皆無收穫，海鮮早餐無望，只好去附近cafe食早餐。款款大大份又好味，午餐都慳番。揸個零鐘車去Lone Pine Koala Sanctuary，嚟到澳洲一定要同樹熊袋鼠打個招呼。動物園開左好多年，設施簡單，地方大，分好幾個區域，若果要行哂都要大半日，我地只參觀左自己有興趣的部份。首先當然係要抱樹熊，可惜原來要先買飛，我地無買，只能企喺樹熊隔離影相，不過都好開心。園內的樹熊好生猛，同其他動物園內只會瞓覺的樹熊唔同，佢地在樹上行來行去，仲會跳！之後去餵袋鼠，睇埋tasmania devil，幾種澳洲獨有的動物就走，可惜見唔到wombat😖

（租住大屋碼頭外望景色）
 
今日的節目基本上係同昨日一樣，分別只係睇塘鵝變成outlet，最搞笑係我自己諗諗下都以為少左一日。早餐自煮，在露台長餐枱食，好好feel。餐後去Harbour Town Outlet，地方大，行得好舒服，不過來來去去都係熟口熟面的牌子，而且貨色普通，價錢唔平，加上我近年興趣轉移左去食同玩，購物慾大減，連奶奶同靚媽兩位shopping 聖手都無收穫。最後因為𠄘諾過小朋友去公園，所以行左兩個鐘就走。(小朋友應該多謝個outlet😏)
 
因為今日係weekend，公園好多人，未能盡興，好彩昨日來過。玩完又去番Charis Seafoods，今次買海鮮回家自煮。呢三晚住大屋，幾個小朋友走來走去都有排玩。番到間屋大家已培養出默契，自動波埋位 ： 老爺奶奶煮飯，靚媽同三位少爺沐浴更衣，我係主角，最後至出塲 (即係做飯後清潔)。
 
第二間大屋
泳池算大，可惜冬天，用唔著
長走廊入屋
爽YY的我
大廳，梳化都有兩套
大廚房，老爺奶奶煮得好開心
五房大屋
以為小朋友見到張城堡床會好開心，點知原來佢地鐘意上下格床，吹漲！
 
一入去已經自動波攞玩具
露台都分三層
今朝喺度食早餐
少爺仔與聰明仔爽YY
第二層露台
私家遊樂場，幾隻馬騮啱哂
私人碼頭，話水中會有機會有鯊魚 ，搞到我有點擔心。不過老爺朝早釣魚都無見到。仲有個小沙灘
 
有蟹籠，我地真係試過放落去捉蟹，可惜無收穫
是日晚餐，青口麻麻，魷魚炒意大利青瓜好正，外賣fish&chips 再翻焗已失色不少，加埋奶奶最愛的焗雞翼，好豐富的晚餐。
鮮味大蝦
 
是日小趣事 ：
話說少爺仔喺飛機上第一次接觸打機呢個新玩意，極度新奇，簡單的遊戲已經玩到好興奮。去到呢間大屋有個小朋友房連遊戲室，居然比佢發現有個Xbox ! 求其開個米老鼠走來走去的遊戲佢地玩，我就出番廳幫手。突然少爺仔走出來 ，好緊張地： 「港傭！今次大件事！米老鼠走唔到出來！你快d過來幫手！」咁我當然配合主題，好緊張咁回應：「咁大件事？快d去睇下！」之後三兩下手腳幫佢地過關，見佢地眼中透出崇拜的目光，真係好有英雄感。小朋友繼續玩，但我發現到有個奇怪的現像：明明畫面只得一隻米老鼠，但少爺仔同聰明仔居然一齊玩緊，重要互相提點，更奇怪係其中一個remote係無駁線！我覺得好好笑但無出聲，玩遊戲最重要係投入，當事人覺得開心就好了。
 
飛機上玩到好興奮的少爺仔
吊詭的畫面，邊個remote無連線？
 
 
住 : Gold coast
http://abnb.me/EVmg/FIheKtgGqF
 
 
 
 
 
 
 
 
 
 
 
 
 
 
 
 
 
 
 
 
 
 
 

 
昨日太勞累，今日無morning call，安樂醒，但晨型人的我都係雞啼咁早起身打霧水。大人先起身煮早餐，小朋友都陸續起床，趁煮早餐時，小朋友在花園踢波，之後少爺仔同小老闆跟老爺學煎蛋，我陪聰明仔喺車房踢波順便混熟下，大家輕鬆享受一個relax 的早上，結果成十一點至出門口。

今次旅行係一個全新組合，一行七人，包括四名成人 （老爺、奶奶、靚媽同港傭）三名小孩（小老闆、聰明仔同少爺仔)，兩個家庭加一名港傭，浩浩蕩蕩出發。出發前大家都非常擔心幾個從未坐過長途機的小朋友會好辛苦，因為從香港到新加坡到澳洲，足足十二個鐘，三個小朋友居然無扭計，喺新加坡半夜轉機睡眼惺忪都肯跟住跑，新加坡機場好大，我地轉機要行好遠，由T1去T3坐左3次無人駕駛列車，上機後又由頭瞓到落尾，真乖。
 

2017澳星馬遊簡報 :