Foodie 生活雜誌

喺陽朔過左三晚，今日去桂林了。坐車由陽朔至桂林約個零鐘，叫架七人車舒舒服服，瞓一覺就到。去酒店check-in後步行去東西巷，即係古城，全國的古城都係一個樣，無需特別介紹。行完後返酒店休息一陣就去對面食飯，桂林市超級商業化，景點日月塔、象鼻山雖然只係咫尺之遙，我都冇興趣行過去，喺酒店hea就算。

桂林市，市容比我的感覺係舊同有點亂，唔喜歡

喺酒店沿路行去東西巷，「經過」日月塔，當睇左🤪

東西巷，都係熟悉的連鎖店及食店

求其食碗粉，諗住唔好又食桂林米粉咁悶，食碗雲吞，點知勁難食，雲吞皮稔到漿咁，似浸左一個世紀

去第二檔食牛雜補數

東西巷，當地唯一保留的明清歷史街巷，旁邊係靖江王城，所以保留咗好多豪宅，店舖就係豪宅內，可以參觀歷史建築，老闆原本俾我上樓上參觀，比我講幾講都答應咗。

夜晚又係去樁記食，桂林有分店，仲喺酒店對面添，今次醒咗，冇點咁多

今次桂林又住阿朵，分別訂咗一間豪華大床房，同埋一間行政雙床房，價錢一樣，但大床房就豪華得多，住酒店房都係大床房好，通常房間靚啲，upgrade都容易啲。

團長話我間雙床房已經upgrade左做行政雙床房，點知連張梳化仔同枱仔都冇，仲衰過其他分店的普通雙床房。

大床房，面積大，有廳又有浴缸，好舒服，我結果賴死唔走，hea到瞓覺至返房。

仲有安眠套裝送，唔公平

早餐好豐富