Foodie 生活雜誌

喜歡入住有點特色的酒店，尤其係國內旅遊，因為價錢尚算可接受。今次入住的陽朔糖舍，坐落漓江畔，由舊糖廠改建，佔地大，群山環抱，建築外表粗獷，內𥚃舒適。酒店為渡假式酒店，有泳池、水療、健身室、藝術館，足不出戶都大把嘢做。

房間寬大舒適，有點舊，而且近馬路，靠近門口幾嘈，好彩無影響睡眠。住左四日三夜，悠悠閒閒，好舒服。咪以為酒店喺山卡啦，坐十零分鐘滴滴就到舊城區，好方便。

酒店在馬路旁，一進入大閘就係另一個世界

穿過竹林走廊

氣氛即刻唔同哂

酒店有幾座建築，其中一座係reception，保留舊有外貌

入面係時尚裝修

先上房，我住雙床房，空間足，好多地方放嘢，啱晒無手尾的我。床褥枕頭舒適，燈光分佈唔錯，插頭多，方便。

飲品生果基本嘢，而家興有温度的服務，生果聲稱由員工屋企的果園新鮮採摘，信不信由你

衞浴寬敞，花灑水壓穩定，洗護用品係GROWN ALCHEMIST

大露台，攤喺梳化hea下又一日

房間景觀一般，面向個山成幅牆擋住。睇側面好d，要靚景就住貴房

團友的大床房，佈置大同小異，只係浴室有浴缸，變相房間細少少

酒店平面圖，環境優美，有山有水。酒店提供好多活動，有收費有免費，悉隨尊便。

幾幢舊建築加幾幢新建築，一點新一點舊，舊的用磚頭砌，新的用水泥起，兩者都用天然建材，融合得好好，毫部違和感。

酒店最大亮點應該係呢個泳池區，保留咗個桁架，當年糖廠的糖就係由外面的漓江運到廠房，再用呢個桁架將糖移去車間（即工作坊），好特別。

呢個係藝術雕塑，年尾會掛起，作祈福用，上面掛滿祈福字條，喺12月31號就會燒左佢，雕塑每年不同。

泳池位置以前係空地，起酒店時挖出來，對面的係從前的車間，如今都變左酒吧

酒店喺漓江邊，望出去就係漓江景，唔使四圍去

自設碼頭，可坐酒店提供的竹筏遊漓江

spa centre

水泵房變左餐廳，私人訂製晚餐，應該好浪漫，我只係諗食物來到會唔會凍哂

餐廳，亦係食早餐的地方

雕塑幾靚

早餐豐富

晚上有打燈，就似化妝後的女子

可以去酒吧飲返杯

房間喺新建的大樓內

水泥建的大樓，咪睇佢外表方方正正，大樓內有不同空間，線條利落，運用光影打造不同圖案，風格似建築師柯比意及安滕忠雄。

園景一隅

酒店每一角落都係影相位，個個都係model，天寒地凍，一個除衫一個攬被，好投入