Foodie 生活雜誌

首爾的酒店價錢比我想像中高，拍得住日本。

房型 : 高級雙床房/高級豪華雙床房（連露台）

 

地點及交通 ：酒店喺正弘大中心點，機鐵直達，弘大地鐵站9號出口行幾分鐘就到。不過喺地圖睇，其實弘大喺首爾市左手邊，我坐車去其他地方動輒要成個鐘，而且呢區似旺角，太年輕，唔啱我，下次住番安國區好了。

 

附近環境 ：酒店喺正繁華購物區，潮流小店，熱門餐廳一應俱全，而且店舖營業到凌晨，好熱鬧，超級方便，

 

房間設施 : Mercure集團，信心保證，標準酒店設計，房間面積夠用，但唔算寬敞，雙床房兩床貼得幾埋，衛浴乾濕分離。之後因為臨時加訂房間，高級房無哂，只得高級豪華房，豪華房大少少，多左個向街的勁細露台，唔知有乜用，兩間房的**基本設備齊全，豪華房的零食風筒皀液之類又高級少少咁囉，收貴少少又乜都升呢少少，一分錢一分貨，但其實兩者分別唔大，我覺得唔使住豪華房。

 

餐飲 : 我無試過，無法分享。

 

服務 : 前台職員英文流利，笑意盈盈，友善樂助，好有活力，我因為臨時再加訂房間，職員都不厭其煩幫忙，好多謝。

 

酒店設施 : 我無用過，請參考酒店介紹。

 

**基本設備 ：衞浴乾濕分離，USB插頭，洗漱用品，沐浴用品，風筒，拖鞋，抽紙巾，瓶裝水，熱水煲

 

一入房就覺得似曾相識，直頭係國內亚朵酒店一樣

雙床房，但兩張床好似貼埋一齊咁

有小梳化，茶几

獨立衞浴及洗手枱，好方便

不過洗手枱上放埋水機咖啡機就好迫

浴袍、拖鞋都有

風筒唔得

有瓶裝水及汽水

USB插頭

房間望出去就係弘大最旺的區域

豪華房

露台😅

多左零食及有酒精飲品

酒店正門，不過樓下裝修緊，要由後門出入，但的士都識兜去後門，大堂佈置時尚

後門

一落樓就好熱鬧，對面已有便利店及咖啡室