韓國的菜式比較粗糙啲，好鍾意大堆頭，一鍋上，加個湯加個飯，最重要填飽肚。睇韓劇成日見到演員喺小餐廳用餐，每台一鍋，坐得迫迫夾，好有生活感，我又去感受下。講明食豬骨湯就梗係食豬骨，乜都唔識就最好點招牌菜，一個豬骨鍋，一個辣炒豬骨。豬骨大大嚿，要帶手套落手食，所以都唔得閒影相了。初時諗呢啲咁嘅煲湯料有乜好食，估唔到豬骨都有幾多肉，調味重手，所以豬骨都入哂味，豬骨的肉唔係嫩，但亦唔算嚡。不過我最欣賞係臨用豬骨鍋的剩湯嚟炒嘅紫菜飯，好好味😋餐廳喺橫巷入面，我係揀下午茶時間過來，冇乜人排隊，但餐廳一樣客滿，食完飯出嚟4點半左右已經有人等緊位，好誇張。
豬骨鍋，好大鍋，鍋入面係幾舊大豬骨，仲有薯仔同粉絲，一煲四個人食都夠。
辣炒豬骨，個醬好重味好辣，惹味但唔太啱我
最後侍應喺隔離枱用豬骨煲剩低的湯煮飯，再加紫菜同葱
好好味㗎
呢隻米酒好好飲
餐廳喺漢南洞shopping 區外圍的巷仔內
四點半已等位
下午茶時間都滿客
文章標籤
全站熱搜
香港食食食 (25)