Foodie 生活雜誌

新潟最吸引我的係佐渡島，而且應該肯定無熊出沒，睇怕佢唔會游咁遠去渡假？可惜我唔夠時間，希望日後有機會。新潟市無乜好做，團友幾十年無去過日本，諗住同佢行下温泉鄉，點知去到大部分店舖關門，敗興而返，中途經過福島潟自然館，入去消磨下時間，之後回市中心shopping，新潟市無我想像中熱鬧，好彩有間伊勢丹，叫做有點收穫，晚上訂左壽司餐，食完就回酒店休息了。

一早去魚市場Pier Bandai，原來規模好細，跟團友想像中的即買即食魚市場差好遠，而且餐廳唔啱食，行個圈就走。

睇G神揾食，見到呢間cafe幾高分，即時揸車過去，餐廳喺住宅區，又唔知啱唔啱食，若無揸車我未必會行過來，再次感受到自駕的好處

餐廳裝修北歐風，有雜誌睇，完全係我喜歡的style。

三文治、crepe、pancake，全部好味，真開心

食完早午餐至施施然出發去景點

來到月岡温泉

睇雜誌介紹開左好多新店舖，係熱鬧的温泉鄉，睇車站旁的地圖都好豐富，好多店舖

可能係平日，好多店無開，某些店舖更倒閉左，總之就係好冷清

夾硬喺間賣懷舊零食的小鋪hea左一陣

 
最後的節目居然係浸足湯，浸足湯的時候見到有護理院的職員用專車載老人家來浸腳，呢個活動又幾好

無嘢做，去附近的福島潟。類似香港的米埔濕地公園，參觀埋展覽館

睇圖畫以為展館有玩有食，實際情況係幾冷清

標本做得有心機

展望台，吹到頭甩

可以行過對面，喺濕地慢慢行，我當然無行，睇人行就得

新潟產米，又多海鮮，無理由唔食壽司，不過高分的已經訂唔到，原本呢間喺網上訂，只有房間選擇，心諗感覺會差好多，但團友無食過，都想安排一餐佢試下，好彩來到被安排坐前台，開心哂。

出品唔錯，價錢唔貴，算係咁