食完午餐都差不多日落， 趕到玉川温泉已4點，抓緊落日餘暉，快步進入玉川温泉區內的玉川自然研究路。整條路圍住温泉區，全程大概步行三十分鐘左右，沿住温泉河，經過大噴湯，入面就係處處冒住熱氣的火山谷。呢度最出名係岩盤浴，聽講有治療能力，只要瞓喺地上，蓋著被，靠住地熱的能量治病，能夠治療與否我就唔知，但覺得呢個温泉好有趣，要知道好多温泉谷都係欄住不淮進入，但呢度我可以隨意企入去影相，隨處躺下享受地熱，真係未試過，我比十個趣。
來到至知有温泉旅館，若我早知道，一定在此宿一宵。回來上網一查，原來係治療用温泉旅館，好多人喺度長住，有埋醫師長駐。今次只能匆匆逗留一小時，有機會真係想再來。
離開時已經5點，今次的景點其實唔順路,又預錯時間，睇GPS話要4個鐘至可以到已訂的温泉旅館，之前已打左電話通知晚餐要廷遲至最夜的8點，但似乎都趕唔到，另一方面G神話兩個鐘，梗係信佢。喺呢個時侯又發現油缸只剩兩格油，睇個勢應該有排唔會到油站，立時緊張症發作，雖然駕駛員安慰我一定無事，但我並唔相信，不過都無補於事，唯有一直唞大氣來定心神。
正所謂屋漏兼逢夜雨，G神係咁帶我上山頂，要知佢好喜歡行小路，一於死跟，冷不防秋冬某些山路係會喺黃昏5時到翌日7時關閉。當我行左15分鐘上山見到道閘時，我差d癲左！要原路落山！即係喺無時間同無油的問題上再浪費多三十分鐘！我有諗過今晚無油最多瞓車，但一想到今晚間温泉酒店係全程最想入住同最貴，我又開始發狂。好彩落山不久就揾到油站入油，即時安心不少。最後駕駛員開行turbo，順利於8:00前到達。
呢個故事教訓我 : 堅持要有用左半缸油就要入油，冬日自駕要預算好時間，以防路況有變。又上左一堂。
往玉川温泉途中經過八幡平，佈滿紅葉，不過一星期前更美
玉川温泉，泊車後從停車塲往下望
進入玉川自然研究路
路旁就係温泉河，河水呈螢光色，有極重琉璜。
塲內有好多温泉噴口
大家都在河邊吸收蒸氣，享受岩盤浴。
我當然唔蝕底，雖然乜都無帶，照瞓，好正的體驗
再往前走入山谷
熊人都來嘆温泉？
山谷內有一間間小屋，供遊人在內享受岩盤浴
亦有人自己揀個風水位瞓，初初見到以為係死屍
朋友睇相話似災難現場
呢個噴口似電視台佈景
應該係旅館住客過來享受岩盤浴，有哂用具
山上的河，再行入去就更荒涼，感覺會有熊
夕陽斜照，倍覺滄涼。
旁邊的玉川温泉旅館
聽講温泉旺季一房難求
旅館在温泉河畔，感覺更堅
河邊的格子係用來採集湯之花
好特別的地方
香港食食食 (25)