Foodie 生活雜誌

3/2023 光顧

行過見到似酒吧的西班牙菜餐廳。香港的西班牙餐廳通常鬼聲鬼氣，但呢間看似幾local，見網上評論唔錯，即管試下。當晚點左5個Tapas，食材及醬汁素質一般，味道唔夠濃烈，而且碟頭幾大，唔多似tapas。若唔當自己食緊西班牙菜，只係食佐酒小菜的話，係可以的。

8/2021 光顧

開左好幾年的西班牙餐廳，菜式選擇多，當日晚餐想食輕巧點，食細細碟的Tapas就最啱。不過呢度的Tapas 比一般餐廳份量大少少，當日我地食量唔大，點左幾款食物，加一jar Sangria，幾個朋友傾下講下好輕鬆。

8/2021光顧

口啤不俗的西班牙餐廳，以食Tapas 為主，多款tapas 選擇，每款細細碟，價錢合理，無負擔地任點，加埋飲品，食完都唔肉赤。餐廳氣氛好，食材多樣化，食物味道好，侍應友善，唯一缺點又係限時兩個鐘，不過當日餐廳無滿坐，我早左到都比入，可以坐耐點。

1/2021光顧

(餐廳在商場內，半開放式，不過開在一角，唔會太多人經過)

8/2017光顧

8/2016 光顧 

一間在待食名單上有一段日子的餐廳。喜歡食西班牙的tapas，款式多，細細件又好味。餐廳佔地千幾尺，地方闊落，唔會坐到迫迫夾，tapas款式選擇算多，今晚兩個人食左5個tapas一個main，食物味道好，有心思。係張單貴左少少，不過在香港食西班牙菜一向唔平，但有水準的又好似唔多，無可能次次去cataluna，我覺得呢間係中價之選。食第二次經朋友講至知無加一，我食兩次都唔知，無比貼士，真唔好意思。 （相片係兩餐夾埋）

(紅白sangria, 我喜歡清清地，選白)

3/2016光顧 

2/2016光顧

有d餐廳你問我貴唔貴，我真係唔識答，反而問我值唔值就易講d。家下出街食飯，食好少少都要三舊水以上一個頭，若果係節日仲死得甘，就好似呢日，諗住求其揾間食，盲中中去到商場門口至知係情人節 （well，到左某個年紀，呢d節日就唔會記得)，好多餐廳full左，一係要最低消費，一係食套餐。見呢度可以散點，就入去，誰知揸fit 人都係點左個沐浴在愛河之中套餐，話抵食😱😱。再散點兩個菜，三大一細埋單一千，大時大節（對商場嚟講），唔算貴。但食物就如大快樂，只係放得靚d，環境好d。山長水遠中伏了。但我見食評唔差，可能我又唔好彩😩

1/2016光顧 

新派葡國菜餐廳，味道應該係為遷就香港人口味，較正宗葡國菜淡，變成好似無靈魂的葡國菜，硬係好似欠左d嘢。又係方程式餐廳 : 走中價路線，以裝修為重點，配上精緻餐具，食物味道普通，份量少，口渴度高。餐廳地方闊落，坐位舒適，有海景，又唔限時，當試新嘢，但個人不推薦。

近年飲食界興起西班牙熱，湊熱鬧試下。見最有好評係呢間，二話不說就訂位，餐廳一共打左4次來 confirm booking，以為一定好full, 點知嚟到又唔係。點左杯sangria, 呢度的sangria酒較重，但味道唔錯。Tapas 款款都好，賣相精緻，全部菜式都如字面一樣，無搞花臣 (我無記低西班牙名) 當晚點左iberico ham, tomato bread, tomato tartar, avocado lobster roll, ham & truffle bikini ， 仲有個用crepe 包住veal 同chicken 淋上 cheese sauce (忘了影相) , 蒜頭爆大蝦 (不過通常食的係炒蝦仁，但呢個進化版就全隻蝦，擺得靚靚再加個汁)，。當中的tomato tartar 做到有beef tartar feel, 幾有趣。隻suckling pig 其實得半隻，上枱時賣相有點恐怖，第一眼睇似隻狗。侍應用隻碟切件，好似話傳統就係咁serve, 小豬皮脆肉嫩，但就好膻。燒乳豬同雞一樣，都係中國人做得好d。甜品menu 本身就唔吸引，最後點左rice bread 同almond sponge cake都好普通。呢度價錢唔平，初初諗住若唔飽就叫個西班牙大鑊飯塞飽個肚，點知呢個菜只有lunch 供應，杜絕古惑仔。其實main course 都無咩揀，好在tapas 都幾飽肚。但值唔值就見人見智。

sangria