Foodie 生活雜誌

坐車經過見到裝修幾骨子，上網查下係食日式定食，見到個豬扒飯幾靚，一於來試下。結果都只係有第一印象 ： 裝修幾骨子。

8/2022光顧

5/2022 光顧

近來頗多人推介的割烹料理餐廳，只serve套餐，午餐分兩輪，晚餐可食到尾。食物擺盤精緻，食器優雅，食材及菜式設計大路普通，味道不過不失。服務唔錯，價錢合理，食後最有印象係一大片西九龍海景及好有自信的chef😆適合打咭影相的餐廳。

5/2022

蛋包飯係日本洋食的代表食品，間唔中都會想食，不過暫時未食到喜歡的。從前喜歡，一樣開喺海港城的niji bistro關門多年。睇到新開的滿天星蛋包飯專門店，索價兩百蚊一個，而且日日排長龍，無諗過食，但因為喜愛的食評人推介，加上有coupon，所以試下。只可講句 : 試過就算。

11/2021光顧

專食鰻魚的餐廳，除左鰻魚飯，仲有沙律、串燒等小食，餐廳領有酒牌，可以來飲番杯，細細間，好骨子。餐廳標榜食日本鰻魚，即點即燒，從生燒到熟，等候需時，絶無欺塲。喺香港硬係食唔到好肥美鰻魚，呢間都無例外，質素唔算突出，但又唔差，做到日本一般店舖的鰻魚飯水準 ，距離好好食有一段距離。若無得去日本都可以來食下，不過價錢係日本的一倍😅

9/2021 光顧

8/2021 光顧

餐廳做割烹套餐，午餐同晚餐menu一樣，分兩款餐，tasting menu 及Omakase Menu，今次我試午餐Tasting menu。食材高質烹調用心，雖然未至於驚艷，但感到滿意，價錢唔平仍物有所值，有機會再來試另一個餐。師傅會喺食客面前烹調食物，一路睇住都幾有趣，日本師傅同兩個助手都幾靚仔😁，侍應詳細講解食物及餐具的資料，令我長知識，態度友善又唔覺煩，一個好侍應對一間餐廳真係好有影響。

7/2021光顧

上次同試過鰻魚飯，雖然唔算好好，但覺得還可以，即管帶太后來試下。前後只差一個月，點知每個餐居然加左一舊水，真誇張。今次太后食鰻魚飯，我點左個迷你懷石膳，鰻魚又係唔夠肥美，蟹膳份量少菜式及味道皆普通，物非所值。雖然師傅及侍應友善細心，但價錢太進取，要再揾其他店了。

6/2021

太后愛食鰻魚飯，我當然唔會求其，一定要係炭燒日本鰻魚至會帶佢食，見到呢間乎合要求，先去試食。餐廳跟鮨佐瀨同一集團，喺鮨佐瀨旁邊間出細細間，連吧枱得十五個位。午市提供多款午餐，套餐唔包甜品飲品，試左鰻魚飯套餐及幾款小食，唔算驚喜但整體滿意，師傅友善細心，揀選時令食材做前菜，幾有心思，可以帶太后來會下。

4/2021光顧

愉景新城商場好鬼大，行到腳軟，喺商場揾食，無間啱心水，記起朋友話呢間唔錯，但門面唔吸引，不過左揀右揀之下，結果都入去坐低。睇佢門面似高級快餐店，無乜期望，求其點左兩個定食。點知又ok喎，炸物外皮鬆化內裡juicy，套餐有沙律、前菜、有飯有湯、有埋甜品，算係咁。商場星期一至五消費$100可免費泊4小時，泊車優惠超筍。

12/2020光顧

12/2020光顧

9/2020 光顧

放棄左喺香港食pancake好耐，之前食過兩間都無好印象，一係中間唔熟，一係就硬左，谷鬼氣唔再食。幸福pancake喺日本唔係我的首選，所以來到香港都無試過，只係朋友提議去食就食，點知有意外驚喜。pancake比起我之前食過的都好，幾接近日本水準，軟綿綿有空氣感之餘又幾實在，唔會似食風，食哂三塊都有飽肚感，不過蛋味唔夠香。值得一讚係糖醬用唧管，份量自決，我記得日本好似唔係咁，可能知道香港人怕甜，所以有此安排。幸福店令我尋回少少喺日本食pancake的幸福感，應該係我喺香港食pancake的首選.......若唔使排隊的話😅😅

9/2020光顧

餐廳只提供套餐，午市兩款，晚市三款。特色係擺盤靚，似温泉旅館食晚餐，chef設計菜色花心思，味道不俗但未至好好食。侍應服務好，講解詳細。今次我點Omakase ，有九款菜式(相中有餐牌)，食得飽。自家浸製梅酒

5/2020光顧

又比朋友叫左去食蘋果批，平時唔食蘋果批的我，食左呢個印象改觀 : 原來蘋果批都幾好味👍🏻

11/2019光顧

9/2019光顧

去大户屋通常食定食，其實銅鑼灣店的吧枱角落晚上會變身成「和食Naozen」，由主廚佐藤直行主理，提供割烹料理，只有6個坐位，要預約。大廚係從前中環Naozen的老闆，質素有保證。晚餐以套餐形式侍客，你只要預約時講出預算，師傅會準備食材，似廚師發辦。當晚我地食左毛蟹、和牛，仲有來自日本各地的時令蔬菜海鮮，高質食材配合適當調味，無需花巧已能帶出食物的原味，滿意的一餐。

2/2019光顧

1/2019光顧