Foodie 生活雜誌

9/2019光顧

中價日本菜，行貨格局，質素一般。最出色係本menu的印刷同個海景。

題外話 : 喺OTE試過幾間餐廳，呢間算係平均，食物ok，價錢合理，若只想享受個景，我都會選呢間。另外幾間一係貴，一係唔好食，一係又貴又唔好食🤪🤪

LUBUDS飲食集團近年非常進取，開左好多間不同的中價餐廳，若習慣在大商場消費，好多時會遇上，繼上次念川居之後，今次又幫襯左佢。相內的餐桌在室內，同露台隔住塊玻璃，玻璃抹得一塵不染。

蔥吞拿魚腩飯 吞拿魚腩色澤暗左幾度，好彩份量足，而且唔腥，二百蚊一個套餐，叫做交到貨。日本菜就係咁，一分錢一分貨，想要色澤靚d，再肥美d的吞拿魚腩，麻煩去鮨店比double 價錢

標準套餐，包括沙律、前菜、味噌湯

甜品 蕨餅兩粒

咁好的景，當然要嘆杯咖啡，不過侍應話套餐唔包飲品，咖啡要另收費，成$50一杯，我無信心呢度會有好咖啡，決定食完攞杯水出去坐，是日天朗氣清，清風徐來，好舒服。後來朋友告知原來點套餐，咖啡只加$28，集團侍應服務仍有進步空間。

餐廳一列落地大玻璃，對住無敵維港景，非常開揚。

來到OTE，主角其實係個景，食物只係配角。露台位更加係焦點所在，維港兩旁景色睇哂