剛剛睇完雜誌介紹呢間新開的天婦羅店,主打北海道天婦羅,用料由北海道運來,咁啱睇完戲嚇完就決定食餐好定下驚。一睇個門面再睇埋個餐牌,熟口熟面,穩陣d都係點個天婦羅餅丼先。個餅用料豐富,有牛蒡、茄子、粟米、准山、露荀等蔬菜,海鮮則有三文魚同帶子。餅上再加上雪場蟹腳,好豐富。炸得幾香口,材料都可以保持水份,不過雪場蟹腳無味。伴飯的醬汁都唔差,食完口中都留有點點油益味,煎炸食品都係唔好多食。

 
我座出菜位,見到好多出品賣相都唔差,離開時問下,果然不出我所料,又係好心地集團,高級版丼丼屋是也!除左天婦羅外,爐端燒,一品料理,刺身樣樣齊,大集團中央採購的好處,不過無壽司,要食就去樓下千両。好心地集團真係百變狸貓,不停改頭換面,而且出品唔差,不過我都係間中去下,想繼續為小店加油。
  
  

 

arrow
arrow
    文章標籤
    尖沙咀
    全站熱搜

    Hearoom 發表在 痞客邦 留言(1) 人氣()