Foodie 生活雜誌

(餐廳在民居巷內，地方企理)

​

​

唔知點解一直比我感覺係銀河GALAXY 較低檔，GALAXY入面5間酒店其中4間 (Banyan Tree、JW Marriott 、Ritz Calton、大倉)，間間名牌，GALAXY一拍埋去，即時矮左截，正所謂「店比店，比死店」。點知入住過後至明白原來係自己狗眼看店低，住完又覺得唔錯。房間面積普通，燈光冷氣適中，衛浴夠大，缺點係露台門唔開得。今次我地一行十一人，有大有細，朋友兩家book左connect room，小朋友走來走去，不亦樂乎。加上附設的天浪陶園，大人細路都啱玩，我地幾個熟齡老友更加尋回點點當年海浪公園水上樂園的感覺，好開心！細路可以去付費兒童樂園，酒店行過對面就係官也街，真係一站式購物玩樂，船程短，娛樂設施大眾化，難怪價錢貴一貴都咁吸引一家大細過來玩。

想過來食蟹黃麵好耐，終於食到。心目中蟹黃係貴價嘢，但呢度用平民價就食到，一碗蟹黃撈麵$42，蟹黃頗香麵夠爽，唔夠喉加碗淨蟹黃都係$32。另外點左咖哩牛筋腩，咖喱好香，牛腩係軟稔，但辣到飛起，我頂唔住，朋友就話一般，因為已被辣味蓋過所有肉香。淨雞腸好滑，不過漂得太勁，無左陣膻味，麻麻。鋪頭攞左好多年車軚獎，若你以呢個為指標就一定要來，咁我就唔係車軚粉絲，唔明點解會攞咁多車軚，不過若我有機會再來，應該只會點個雲吞蟹黃撈麵就可以了。

(進入印度皇宮)

葡國菜一直唔係我心水，總係唔覺有咩特色，又唔係好食。問在坐兩位朋友對葡菜的評價，一位答:「咸」，一位答 ：「無論如何煮都唔會特別好食」。但結果三個唔多欣賞葡菜的茂利居然一齊食葡菜，可幸呢餐味道唔錯，環境舒服，就當入鄉隨俗吧。

有時假期少，又想離開香港，澳門係一個好選擇，奈何皮費貴，一家幾口都幾襟計。今次同大家分享三個小朋友玩的活動，兩個免費，一個接近免費，全部活動經少爺仔親身試驗，玩到唔捨得走。大人慳錢，小朋友又開心，真係win win 啦。

又做菠蘿雞跟人去澳門，今次入住的氹仔永利皇宮真係好滿意。首先作為一個纜車愛好者，就算求其有得坐都會覺得開心。點知呢個纜車實在令我喜出望外，纜車車卡好認真的係瑞士製造，雖然只係短短地圍住人工湖一圈，但晚上可以在播住音樂的車廂內欣賞噴泉表演，賞心悅目。整間酒店富麗溏煌得來又唔會流於俗套，以花為主題，配合藝術品作擺設，高雅舒適。入住湖景房，房間空間大又光猛，晚上更可以在房內欣賞噴泉表演，好享受。唯一要挑剔就係酒店內的香氛味道太濃烈，似古龍水。

試完山里之後，地膽知道我地唔多滿意，就介紹呢間。位於賭場內的餐廳，價錢親民好多，午餐定食最貴都係三百零，訂位時記住問清楚有咩折扣優惠，好似今次咁，原來show張摩天輪就有7折，我當然無啦，真呻笨！食物好過山里，個人認為熟食比壽司好。不過茶錢都要$30一位，在澳門食完兩餐日菜之後，覺得香港的日菜質素真係唔差之餘又抵食。

點左兩個套餐「真」同「匠」，先分享套餐真 前菜 三文魚漬、黑魚子伴豆腐、芝麻菠菜

 (有個娘牌)

去澳門，紙醉金迷的賭場從來唔係我杯茶，幸好與我同行的朋友大家志同道合。今次行行舊區，到海邊走走，到大學校園逛一圈，與好友飲杯咖啡，嘆下美食，渡過一個愉快假期。今次想與大家分享黑沙的龍爪角海岸徑，在黑沙沙灘的另一角，好容易行的家樂徑，風景唔錯，去開黑沙沙灘不妨去走一圈。

香港店分別食過午餐及晚餐，印象非常良好，嚟開澳門又去朝聖。窮風流當然繼續食set lunch （其實晚餐都係千零蚊個set，以呢個水準計，又唔係話十分貴)。set lunch六舊水有齊頭盆、湯、pasta、main course 、dessert 再加咖啡或茶，美味又滿足的一餐。價錢唔平但值得，心思思又想去香港店了

麵包有五款，都係一般款色，普通，係個橄欖包比較出色。橄欖油同醋都好味

餐廳傳說之前好得，可惜到我食的時候應該係光輝歲月已過。今次食午餐set，我點的壽司用料普通，質素亦好普通。
朋友食的期間限定大分縣之旅套餐，食物普通不在話下，件壽司至得人驚，成件餐蛋治咁，我真係唔識欣賞。另一個刺身set ，刺身都叫新鮮

(小店外貌)

小菜館一間，地膽介紹，隱世食店feel，裝修簡單，街坊格局，小菜配搭與煮法有心思，煮得有心機，唔係味精嘢，唔交行貨，味道OK 。個性小店，不定期休息，訂座電話：2895 3098

(雞腸麵 雞湯甜，雞腸夠粉，雞件新鮮，米粉索哂甜湯，正)