close
每次在澳門坐的士去旅遊點的食店，司機先生總會話 : 新不如舊、價錢貴、澳門人唔食。就似在香港有人問我澳牛、九記好唔好食，我答案都係一樣。不過遊客就係遊客，唔試唔心息，朋友帶我去呢間超級遊客勝地餐廳，我就覺得出品唔錯，炸物乾身，西多士軟綿綿，豬扒柔軟，撈麵入味，樣樣都幾好食。價錢我唔知，因為夾呀公的，唔覺唔覺。我地好彩，去到剛剛有張大枱，但晏少少門口已擠滿人，唔好意思坐得耐，見餐廳無等位安排，採取霸位制，坐位手快有手慢無。
全站熱搜
留言列表
香港食食食 (25)
