12/2020光顧
台灣過江龍,新開店好高人氣,過左lunch time 仍要排隊,果然係新屎坑。我食左牛肉麵同紅油抄手,整體唔算突出,但合格有餘,以香港的水準來講算係咁,侍應服務態度好,光顧左兩次,第二次質素比第一次好,睇怕呢間店短期內都會係長龍店。
12/2020光顧
台灣過江龍,新開店好高人氣,過左lunch time 仍要排隊,果然係新屎坑。我食左牛肉麵同紅油抄手,整體唔算突出,但合格有餘,以香港的水準來講算係咁,侍應服務態度好,光顧左兩次,第二次質素比第一次好,睇怕呢間店短期內都會係長龍店。
6/2020光顧
又係雞湯米線。店方毫不吝嗇。湯味濃郁,雞件大大件,酸菜多,成碗抵死夾大件,但食完幾口渴,唔多啱我。不過喜歡濃味的朋友可以試下,其實係幾好味,只係唔喜歡食後口渴的感覺。餐廳長沙灣都有分店,無晚市,5點關門,
3/2020 光顧
用料實在,海鮮新鮮,小食味道不俗,雞湯底唔口渴,但味道徧淡,份量較細要食兩碗至飽,總體而言不過不失,味道清淡,感覺健康,行過可以試下。店子小小,好旺場,我食完都拿拿淋走,唔好阻人做生意,市道唔好,生意難做。
12/2018光顧
打不死的清湯腩,二度重生,之前在紅磡兩度遷址,後來又關門。知道又再捲土重來,今次重開喺我活動範圍,可以多點幫襯了。湯底清甜帶當歸味,唔係個個受落,但我就好喜歡,牛腩肉味香濃,心機小店,令我一再回頭。
12/2018 光顧
唔知點解見到嗰d「自家製、本地農產」等字眼特別吸引,所以就算間餐廳較吊腳又收得早都揾個時間特登去。餐廳在福來邨的地鋪,唔近地鐵站,真係住附近至方便去。餐廳標榜健康,使用本地食材,唔加味精,提供的免費水都係電解水,好勁咁。食物好處係無味精,味道較淡都可以接受,不過食唔出材料有何過人之處,份量亦較細,住附近的無飯一族來個健康餐係唔錯,若好似我咁特登來就無謂。
10/2018光顧
好少去去西灣河,醫肚時間,人生路不熟,唯有靠開飯網加自己感覺揾食,睇到呢度賣點係不加味精湯底,喜歡湯麵的我一於去馬。家庭式小店,開在內街,街坊生意,裝修簡單,地方清潔整齊。點個簽名沁沁麵 ,湯底係人參雞湯,湯底已包埋肉絲、溏心蛋、西蘭花及木耳等配料,其實都夠料,但我貪心再加餃子,好豐富。湯底香濃帶甘甜,真材實料,令我想起已關門大吉的大熱高湯麵。溏心蛋入味,餃子皮薄饀料足,有誠意的小店,若路經附近的朋友不妨一試。
今時今日去比較出名的鋪頭食碗牛腩麵似乎都要$50起錶。牛筋腩河湯底清甜有牛味,牛腩柔軟得來有咬口,牛筋未夠入味。$52一碗,雖然唔算好出色,但總叫交到貨,一試無妨。友人唔食牛,點左姊妹店聯發茶餐廳的滑蛋叉燒飯,蛋滑但無蛋香,叉燒瘦,水準普通,味道無報導的咁出神入化,我無期望,所以無失望。