close
4/2022光顧
晚上一條友，唔想食得咁heavy，食餃子最啱。行過見到餐廳新開業，標榜手工餃子，家庭式經營的小店，地方簡潔。提供多款餃子、小食及飲品，我只試左碟蒸餃，味道不過不失。呢類小店做街坊生意，附近好多食肆，競爭激烈，希望做得住啦。
沙茶肥牛金菇蒸餃
諗住用沙茶醬，味道會較濃，點知比想像中清淡，饀料無乜肉汁，餃皮厚薄適中，水準一般，反而附送的醃蘿蔔味道不俗，幾醒胃。
餃子自家製，貌似母女的兩人密密包
聽到店主講有個客人連續一星期來食川味豬肉餃，搞到我心思思想食，可惜太飽，有緣至可再試了。
除左餃子，另有小食飲品選擇
全站熱搜
留言列表
香港食食食 (25)
