Foodie 生活雜誌

今日無景點，温泉旅館check out 後，去附近的箱根雕刻之森美術館行下，再去另一間温泉旅館。團友比喻得幾好，住温泉旅館就似去主題樂園咁，不過唔係玩機動遊戲，係玩浸溫泉😆

講番雕刻之森，我對佢的印象係來自好耐之前朋友喺度影的相，當年無上網，單純睇朋友的相，覺得呢個地方好靚。但當時我已去過箱根，短期內無打算再去，所以只將記憶留在心底。多年後再去箱根，其他旅遊點跟N年前一樣，所以鎖定雕刻之森來個三日兩夜温泉旅。

雕刻之森成立喺1969年箱根的深山內，佔據一大片山頭，去之前心想咁舊的地方，而且作品大多數在户外，維修唔容易，一定頗殘舊，但估唔到美術館可以用光潔如新來形容，室外的雕塑展品就似大自然的裝飾，室內的美術館展品亦好有睇頭，一整個畢加索作品館，加上其他互動藝術作品，展品豐富風景美麗，好喜歡的一個藝術館。

fufu旅館離雕刻之森約20分鐘步程，我選擇行路，當散步。若唔想行，可坐酒店車落火車站轉火車，兩個站就到

美術館佔地好大

一入藝術館就係露天展館

呢個好似金鐘都有類似的展品

可愛小物

體驗藝術裝置

colourful 樂園，梳化係軟的，好特別

色彩繽紛的雕塑，好開心，後面的係星型迷宮，幾有趣

另一展館

呢個大型繩網設施，好想玩，可惜只限兒童

PICASSO展館，展品及資料豐富，睇完會對藝術家畢加索有一定程度的了解(若睇完仲記得的話😌）

重頭展館

好靚的大型玻璃彩繪

可惜當日大風，無得攻頂

行到咁上下，又到coffee break

餐廳提供illy咖啡，重點係咖啡杯的設計

有足湯，旁邊有自助毛巾售賣機，真貼心

一對雕塑情侶

wow ！空中飛人

森林中的雞蛋，係咪我太肚餓的幻覺？

舞動森林

一剎那以為呢兩位係雕塑😆😆

一整個山頭，除左藝術品，春夏秋冬四時景色至係最厲害的藝術

走lu，同飛天豬一同飛出去， 我影唔到咁多，其實仲有幾個室內美術館，吊橋水池，好多嘢睇

帶藝術家回家😁😁

參觀完就去下一個主題樂園 ： 強羅花扇