Foodie 生活雜誌

7/2017光顧

(袖珍新鮮豬肉丸粥，雖則叫袖珍，其實都幾大碗，豬肉丸實得來唔彈牙，粥底綿但較稀，好彩食完唔太口渴，點多條油條 ，明知一定唔會係即炸，但結果係又凍又稔，完全唔得，相都無影)

5/2017光顧

5/2017 光顧 新蔡潤記 / 群記 @大埔

4/2017光顧

若唔係朋友介紹，相信我絕對唔會來，地方吊腳，又無雜誌報導，我嚟過呢邊好多次都無印象。街坊小鋪，在斜路旁邊，毫不起眼，地方亁淨企理。朋友又真係無介紹錯，好味! 散尾雲吞大小適中，饀料比例平均，湯頭清，因為唔知幾時再來，唔蝕底點雙併，牛筋軟稔入味，一碗$30，雙併加$13，照係5粒雲吞，一份牛筋，好大碗，夠哂飽。

4/2017 光顧

荃灣區有三大選擇 : 米線、茶記、連鎖店。我唔想食前兩者，唯有食連鎖店。估唔到出品比我想像中好，飲品唔係顏色水，果茶飲到果味，沙律清新，餐牌上仲有好多食物都幾吸引，都係一個選擇。

3/2017 光顧

著名的華嫂冰室，聽講食個菠蘿包都要排個幾鐘，仲要在屏山，山長水遠，所以從無參予。咁啱觀塘開左分店，某日誤打誤撞去左佢在工廠大厦內的外賣部，完全無人，所以買左個包，覺得水準唔錯，的起心肝去觀塘分店食。食物出品真係唔錯，食材認真，整得有心機，係有質素的茶餐廳，但值唔值得要排成個鐘？我個人就甚有保留，分店當然都係排隊格，不過我一個人，加上唔係繁忙時間，通常15分鐘內有位，呢個係我可接受範圍。

3/2017光顧

原本係想在附近的coffee shop食早餐，但係食物唔多吸引，都係食碗麵頂肚，行過見到好多人食，原來係名店。牛雜腸肚河雖然要$44碗，但又物有所值，成碗粉滿滿的，牛肚肉厚牛腸肥美，河粉下面有菜墊底，湯底唔咸，味道剛好，下次再來呢區hea咖啡店前食番碗先。

3/2017光顧

去行荃灣廣塲，唔想食連鎖店，後面三條街行哂，有意慾入去的只有呢間，諗住求其填飽個肚就算。車仔麵式揀餸，我唔想諗，點左魚肉春卷肉醬酸辣米線走辣。湯底唔太口渴，米線同魚卷都有咬口，似乎可以會再來。

12/2016光顧

$46一個菜肉雲吞豬大腸刀削麵加豆漿套餐，唔算貴。菜肉雲吞一早煮定就梗㗎啦，但食之前可唔可以淥下佢，唔好就咁放落去？因為入口仲係涼的。滷水豬大腸夠入味，good。刀削麵有咬口，湯底係一般豉油湯底，唔太口渴，一間普通但唔會伏的麵店。

12/2016 光顧

因為評論好壞參半，加上好耐之前試過銅鑼灣店唔好食，所有一直無想過要來，今晚剛好在附近就唔介意一試。麵條係我喜歡的粗麵，麵質QQ，我選清湯朋友選紅燒，兩者湯底都香甜，唔係味精湯，又唔會油淋淋，牛肉牛筋夠稔夠入味，ok喎。小食滷水大腸都好入味，總算挽回信心。侍應都係台灣人，其中一個年紀較大的女子笑容滿面又好禮貌，真係令我如沐春風

11/2016光顧

好食的雲吞麵難求，永遠記得兒時茶水站食的散尾雲吞，大地魚湯底，余均益辣醬加荔枝醋，百吃不厭。後來......當然係隨住時間一同消逝了。小時候理所當然的食物，長大後變得珍貴，可能係回憶的味道特別好，現今好多時都揾唔番回憶中的雲吞麵。見到介紹話呢間做懷舊雲吞麵，當然要試下。雲吞係散尾，不過麵的質普通，啖湯有味精，有味精無問題，但麻煩唔好標榜無味精。我明明點左千客家細蓉$38，但埋單時係$48，問點解，侍應話細蓉係全蛋麵，呢碗係竹昇麵，所以加$10，但我點的時候無講過，咁我當然唔會同佢計$10，但如此質素如此服務加上如此份量價錢，我真係唔識欣賞。

9/2016 光顧

呢間蘭洲拉麵小店係我上次在紅磡閒逛時發現，比我的感覺係只賣食物，不賣裝修，決定改天再來。小店真係好小，連埋門口張枱都只係得十個坐位左右，裝修簡陋。菜單簡單，只有牛肉牛展牛腩配麵，再加幾款涼菜。拉麵即點即拉，可選粗幼或正常，食物簡單好味，價錢平。小店由由兩位年輕男女及一名中年女士主理，係國內人，無論裝修到廚具到枱櫈，全店無一樣嘢係多餘的，好有内地小店風味的小店

(上手做西餐的時候都來食過)

8/2016光顧

8/2016光顧

2/2016光顧

喜歡四圍貢，經過書局街見旁邊有條街仔就走入去，原來沿住樓梯都係食店，後來至知條街叫錦屏街。中餐西餐都有，但數人氣最旺的就係最頂呢間青藏牛肉麵。鋪面唔細但客似雲來，一路食都不停有翻枱，爆哂塲，仲有人等外賣。有麵食、串燒、小食等多款選擇，價錢公道，食得過，只係稍嫌味道相對較淡，呢類外省菜通常重口味嘛。

(小小店子，食物選擇頗多)

1/2016 阿芳餛飩@尖沙咀

估唔到藍田會有唔錯的牛雜河！牛肚用草肚，稔得來又入味，牛腸唔太肥，河粉滑，湯底唔油膩，食完唔太口渴，整體合格有餘，會再來！

(片頭紫菜河  潮州河粉應有的水準，河粉滑，紫菜軟，片頭炸得金黃香口，咬落彈牙)

10/2015 光顧 

5/2015 光顧