1/2022光顧
餐廳由北角去到長沙灣,再由長沙灣去番北角,多年來經營唔容易,老闆娘好有靭力,值得支持。食物水準唔算高,普通一碗米線,但又幾合我口味,次次嫌大碗,但又不經不覺食哂。若住附近不妨一試。
1/2022光顧
餐廳由北角去到長沙灣,再由長沙灣去番北角,多年來經營唔容易,老闆娘好有靭力,值得支持。食物水準唔算高,普通一碗米線,但又幾合我口味,次次嫌大碗,但又不經不覺食哂。若住附近不妨一試。
9/2021光顧
餐廳有幾間分店,幾次經過荃灣店都想食,但又無乜信心,原來葵芳都開左,反正諗唔到食乜,又試下。又再確認我的感覺係正確的,雖然小店幾受街坊歡迎,遲下仲會細店搬大店,但食物出品實在麻麻,試過就算。
8/2021
小店生意興隆,細鋪搬大鋪,從街角鋪位搬前少少到現鋪,出品仍保持水準,可惜收得早,只營業至晚上7點,老闆話請唔到人,唔想做得咁辛苦,咁又係,做人咁辛苦為乜?夠使夠食就好了。小店內好多可愛的小豬裝飾,但一見到面前的豬雜麵就有點心虛,一方面話人地可愛另一方面連內臟都食埋,做人真矛盾。
4/2021 光顧
近年呢間好湯好麵大熱,主打真材實料湯底,過百蚊一碗麵都大排長龍,香港人真有錢。睇餐牌見餐廳選用高級食材 : 西班牙火腿、北海道帶子、澳洲和牛,走精品小店路線。點左兩款湯麵,湯底同麵條確實唔錯,今時今日樣樣貴,若用真材實料熬個湯底確實唔平,但湯麵配料味道一般,唔覺得突出。配料追唔上湯底,唔夠和諧,係幾好食,但又未至於突出到要再來,試過就算。
3/2021 光顧
香港好食的雲吞麵店唔多,之前食過太子的興記麵食家覺得好食,可惜第二次去已經轉左手,味道都轉了。睇網上群組介紹呢間,去碰下運氣。舊區內的麵店,整潔乾淨,雲吞皮厚肉實,柱侯牛筋腩柔軟度可以但未能做到軟腍入味,質素一般,不過勝在抵食夾大件。
3/2021 光顧
睇介紹話係靚湯底米線,以為係舊區小店,原來門面現代化,裝修乾淨企理,有連鎖店的感覺。藥膳湯底幾濃,食完唔口渴,東江雞肉滑但完全無味,好奇怪。整體好普通,試過就算。
12/2020光顧
台灣過江龍,新開店好高人氣,過左lunch time 仍要排隊,果然係新屎坑。我食左牛肉麵同紅油抄手,整體唔算突出,但合格有餘,以香港的水準來講算係咁,侍應服務態度好,光顧左兩次,第二次質素比第一次好,睇怕呢間店短期內都會係長龍店。
6/2020光顧
又係雞湯米線。店方毫不吝嗇。湯味濃郁,雞件大大件,酸菜多,成碗抵死夾大件,但食完幾口渴,唔多啱我。不過喜歡濃味的朋友可以試下,其實係幾好味,只係唔喜歡食後口渴的感覺。餐廳長沙灣都有分店,無晚市,5點關門,
3/2020 光顧
用料實在,海鮮新鮮,小食味道不俗,雞湯底唔口渴,但味道徧淡,份量較細要食兩碗至飽,總體而言不過不失,味道清淡,感覺健康,行過可以試下。店子小小,好旺場,我食完都拿拿淋走,唔好阻人做生意,市道唔好,生意難做。