7/2022光顧
近年開左好多餃子店，成日話租貴人工貴，一碗餃子收四十零蚊，真係咁好賺？定係外賣生餃有得做？真係唔知。呢間餃子店由幾個年輕人主理，餃子大大隻，湯餃同煎餃一樣，包到似窩貼咁，魚湯底幾濃，煎餃太油膩，味道不過不失，點都好過買超市雪藏餃，若我住附近都會再幫襯，不過就無必要專登入來食了。
白菜餃拼榨菜鮮肉餃
餃子大大隻有肉汁，不過又係嗰句，似食窩貼。番茄薯仔魚湯幾鮮甜，飲到底仲有薯仔蓉，幾足料
粟米芝士煎餃
太多油，食到好滯
冷泡桂元肉烏龍茶
聽侍應同隔離枱講like左社交平台會送茶，但無同我講，我當然唔蝕底要攞埋，大拿拿$18，要比錢我一定唔捨得飲。質素唔錯，起碼有茶味。
除左餃子，仲有小食及麵食選擇，街坊店，無乜味精，算係咁。
全站熱搜
留言列表
香港食食食 (25)
