Foodie 生活雜誌

​

​

唔知點解一直比我感覺係銀河GALAXY 較低檔，GALAXY入面5間酒店其中4間 (Banyan Tree、JW Marriott 、Ritz Calton、大倉)，間間名牌，GALAXY一拍埋去，即時矮左截，正所謂「店比店，比死店」。點知入住過後至明白原來係自己狗眼看店低，住完又覺得唔錯。房間面積普通，燈光冷氣適中，衛浴夠大，缺點係露台門唔開得。今次我地一行十一人，有大有細，朋友兩家book左connect room，小朋友走來走去，不亦樂乎。加上附設的天浪陶園，大人細路都啱玩，我地幾個熟齡老友更加尋回點點當年海浪公園水上樂園的感覺，好開心！細路可以去付費兒童樂園，酒店行過對面就係官也街，真係一站式購物玩樂，船程短，娛樂設施大眾化，難怪價錢貴一貴都咁吸引一家大細過來玩。

(鏡頭背後 : 因為七一假期，房間全滿，人手不足，未能準時交房，搞到玩完天浪陶園再取房的我們十分狼狽，為旅程留下小污點)

房間係一般五星酒店格局

最愛大浴室，不過度浴室門關唔實，成日彈開

露台不能開，屬裝飾品

mini bar食物包括雪櫃內的氣水都係免費。(草根關注點)

浴室洗護用品係法蘭西歐舒丹，加分

相連房，小朋友最開心

最大賣點天浪陶園，若住banyan tree 就最近，差不多一出已經係人造浪海灘

天浪陶園，雖然地方唔大，滑水梯、漂流河都好小型，但都能令我地幾位熟齡人尋回那些年水上樂園的感覺，玩得不亦樂乎。

今次七。一，人好多，沙灘椅都無哂。 白痴朋友的佔位方法。

呢d咁靚的沙灘屋係要比錢租。另外有付費locker 提供（$40,自備紙幣)，若無貴重物件隨便放就得，最重要自己記得位置。要著拖鞋，場內有免費毛巾供應。

​​