5/2021光顧
被handmade pasta 字眼吸引入去，結果又係門面靚的高級快餐，中等價錢，想做高級但又唔敢mark 高價，結果用份量同食材就，搞到唔高唔低，尷尷尬尬咁，失望而回。
見到個包同牛油上面嗰幾粒鹽，好似求其放兩個包落隻好少少的碟上，已知出事。
廣島蠔味噌醬意大利飯。獅蚶肉。香煎焦糖金蠔睇個配搭好似幾有新意，但味道係唔夾的，得個咸字，味噌有味噌咸，金蠔有金蠔咸，獅蚶肉唔多覺，就算係都淹沒左喺咸味之中。
卡邦尼手打意粉 通常食意粉都會點個卡邦尼探路，呢個似普通炒意粉，有點乾，唔講唔知係卡邦尼，又咸又細碟，兩個人食完兩碟粉連半飽都無，但都舉手埋單，止蝕離場。
餐廳喺商廈二樓，門面幾靚入面係窄長型，疫情期間要隔開坐都覺得迫，感覺似金鳳扒房升級版。
全站熱搜
留言列表
香港食食食 (25)
