Foodie 生活雜誌

試完山里之後，地膽知道我地唔多滿意，就介紹呢間。位於賭場內的餐廳，價錢親民好多，午餐定食最貴都係三百零，訂位時記住問清楚有咩折扣優惠，好似今次咁，原來show張摩天輪就有7折，我當然無啦，真呻笨！食物好過山里，個人認為熟食比壽司好。不過茶錢都要$30一位，在澳門食完兩餐日菜之後，覺得香港的日菜質素真係唔差之餘又抵食。

點左兩個套餐「真」同「匠」，先分享套餐真 前菜 三文魚漬、黑魚子伴豆腐、芝麻菠菜

套餐 真 時令蔬菜 蔬菜並不鮮甜

套餐真 麵豉湯

套餐真 8件壽司加卷物，用料一般，壽司size 剛好，但壽司飯有點乾

套餐真 甜品係士多啤梨雪糕 無咖啡或茶

套餐匠 朋友點的套餐，和牛海膽sukiyaki汁蓋飯，跟沙律前菜麵豉湯甜品 我試左少少，牛肉薄，頗嫩，汁香，撈埋飯食都應該幾惹味

散點 火灸日式燒肉叉燒飯 隻糖心蛋的蛋黃係果凍狀態，睇見都流口水，叉燒片係厚切，半肥瘦，經火炙後更油脂四溢，好香，唔錯！我只係食左少少，若成碗食應該好滿足，$120又唔算貴。

散點 和牛山椒醬油煲飯 成煲上，唔食得都睇得。牛肉醃製過，加上山椒的香味，成煲飯好香。牛肉較乾身，跟之前的sukiyaki 版蓋飯相比又係另一種風味。有一班為食朋友真好，可以試多d

散點 海膽蒸蛋

散點 炭燒春雞釀松露牛油飯 朋友一心想著送來時係全隻上，影相呃like，可惜上碟已肢解左。燒雞肉嫩夠juicy，不過飯唔夠香，可能攤涼左，若即切即食可能效果會更好

隻碟好靚