返回市區就做市區嘢,即係行下食下。今日先去位於清澄白河區的東京美術館睇一個好期待又精彩的展覽,行完食個tea,之後行一陣再去食個食到一肚氣的晚餐,完左一晚。
今次睇的展覽《Christian Dior: Designer of Dreams》,喺2017年首次於巴黎發表,當時已想睇,但作為一個平凡打工仔,點會奢侈到去巴黎睇展覽?不過今次移師到東京,近近地就可以去了。我對 Dior的設計唔熟悉,不過只係一個靚字已可吸引我。況且呢類國寶級典堂設計師的作品,已經唔再係一件衫一條裙,而係藝術品的層次。展品豐富,於不同設計空間展出,配合多個設計師的展品,非常有心思。好值得睇的展覽👍🏻
一早先醫肚,喺日本好似求其一間cafe的食物都會整得靚靚咁。
沿住指示牌行
經過民居,見到呢棵樹裝飾得幾有趣
某家住宅的門口,原來肉肉植物都可以咁靚
期待
無哂飛,意料中事,所以我一個月前已在網上買定😎
入場
黑白配,以設計師椅作點綴,高檔
原來DIOR先生同日本好有淵緣,呢幾件好有日本色彩的作品好特別
歷年不同設計師擔任Dior創作總監時的作品
令我最有印象及最驚艷的係JOHN GALLIANO的作品
大會指定攝影師高木由利子,以舞蹈表達時裝,作品好有藝術感,好型👍🏻
晚裝曬冷,一列由地下至二樓的展覽牆,好有氣勢,可惜我影唔到個感覺
全白的展館,一襲襲未經加工的原辦衣服,想像從樣辦到製成品,配上不同布料,工人一針一線的縫上配飾,一襲華服真係得來不易
離開白色空間,來到彩色世界,Dior的衣飾好女性化,色彩少不了
彩虹衣飾牆
靚
再來以紙雕塑作裝飾的展館,小橋流水花園feel
呢d手工,唔係藝術係乜?
滿天星展館,展出名人明星著過的晚裝,高貴美麗的戴妃都係當中一人。
以andy warhol 作畫做裝飾
手袋區,百變的Lady Dior
世界各地的民族服裝
喺日本展覽,點都要加添日本元素。呢張係由福岡藝術家生島國宜(Ixima Kuniyosi)繪畫的Christian Dior 肖像。
一個精彩的展覽,背後包含左好多人的心血。感謝佢地為我帶來一個咁精彩的展覽🙏🏻❤️
大師手繪線稿
睇完出來已經係下午茶時間,去左南青山揾食,唔知點解就算平日,間間cafe都仍然咁多人,可憐團友又要陪我四圍揾,最後見呢間食quiche 的餐廳有位就即刻坐低,食物唔錯。(Granny Smith ApplePie & coffee南青山店)
食完行一陣又食晚餐,呢餐食到一肚氣,請看下回分解