唔知點解今次旅程好多餐廳網上訂位都要full pay,為免失卻靈活性,行程無乜預約餐廳,行過見到呢間老字號壽喜燒店,即時訂位過兩日食,諗住點都有基本保證,點知就經歷到喺日本從未經歷過最差勁服務!
話說我一行四人預訂房間,當晚為我地服務的係一位上年紀的男士,入房為我地掛衫時已黑口黑面,對佢say thank you 都無反應。之後我覺得焗,問佢可唔可以教大點冷氣,佢木口木面的講 NO。我都算了,諗住係中央冷氣無得搞,但明明見到房內有冷氣制但熄左,諗住佢可能唔明我的英文,於是出去問下門口的經理,佢立即幫我開冷氣。
之後個男侍應入來,指住冷氣叫我don’t touch,再入來時都先check 冷氣,我已經嬲嬲地,心諗個冷氣係咪國寶?而且我無諗過搞你餐廳d嘢。由於其中一位團友唔食牛,侍應先生要confirm ,但佢居然對住團友講pork? pork?我即時火都嚟,呢個係咩態度?唔知點稱呼可叫句Miss吖!我再忍就不如唔好食了,我唔係來受氣!於是立即衝出房間揾經理申訴並要求換人!經理係咁say sorry,當然立即換人,我覺得侍應應該係積犯,因為之後經理仲比埋侍應全名叫我寫email投訴佢,
好似想煮死個男侍應咁,可惜遇著我呢個唔識字又懶的客人,幫唔到佢。
之後換左另一位女士幫手,態度雖然冷漠但起碼有禮貌。唔知係咪心情大受影響,覺得呢餐好普通,食材好,但煮法係加昆布湯煮牛肉,無左陣焦香味,覺得唔似食壽喜燒
全站熱搜