Foodie 生活雜誌

瀨戶內海上散佈住好多個小島，因為人口老化及島民遷離，島嶼變得日益荒涼，但自從二十多年前直島被財團收購土地興建美術館及酒店開始，小島開始活化，自2010年起更開始舉辦三年一度的瀨戶內海藝術祭，此計劃更加為週邊的島嶼 : 豐島、女木島、男木島、小豆島、大島、犬島注入新生命，年輕人都回到島上生活，在島上的年老居民亦因為此計劃而可以做義工等工作，充實生活，係一個好成功及有意義的活動。

三年前的藝術祭，我己經去左兩個大島 : 小豆島及直島，今次選擇男木島及女木島，原本想去埋豐島，可惜今次條件所限，未能成行，唯有等下次。講真，藝術祭內好多展品我都唔識欣賞，什至覺得有點無厘頭，不過因為藝術品的點綴，小島遊變得更有趣，而且藝術祭期間交通亦較方便，在行程中加入小島遊，更有遠離塵囂的感覺。心情更輕鬆。

渡輪只售即日船票，藝術祭期間人流較多，建議早點來排隊買船票，我當日坐8點船，7點半來到買船票已排長龍

上船，航線係高松至女木島至男木島。我先去女木島，之後再在女木島買票到男木島

到達女木島後，第一個要去的地方係女木島鬼之館，女木島又叫鬼之島，可以喺度買車票往參觀鬼島大洞窟，不過我今日純粹睇藍術展品，所以攞張地圖就出發

遊女木島的最佳方法係踩單車，館內提供單車租借服務，不過我同太后一齊，免提

出發藝術之旅，展品有室內同室外，室內的展品在島上村內已荒廢的學校或民居。原來女木島冬天的時候好大風，海岸邊會刮起大浪，所以住近海邊的屋會起一道高高的石牆抵擋大浪，生活的智慧

羨慕人地踩住單車四圍遊

小島好平靜，地方乾淨舒適，農家的景色

島上有電影院，藝術作品之一，不定期放映影片。藝術祭期間當然會開放。

老屋變身成藝術品

香港的藝術家都有參予

不同的藝術展品，我唔知咩意思，你問我，我只能答: 幾得意

另一個在舊校舍內的展品

太后眼光獨到，居然揀左在厠所門外留影

我參予左其中一個藝術活動，活動在老屋內舉行

日本人的細心處處可見，入門口時提提你頭頂上有燕子巢

屋內中庭，一邊係藝術展品，另一邊係餐廳

我參予的係一個食同藝術結合的活動，好受歡迎㗎，要電話予約

五十分鐘一塲，一入到屋內已set好哂枱

示範台

所謂的藝術，其實就係烹飪示範，用當地自食物做材料，烹調出不同菜色，大家可以透過食物去認識女木島。我都係因為呢個活動認識防浪牆的意思。呢道菜示範的係溝個美奶滋，配合當地好鮮甜的蔬菜，係好食，但咁的式，我擔心食哂個餐都唔飽

風乾玫瑰豬 係豬有豬味，仲有三片，好安慰

鰆魚散壽司 春天係鰆魚肥美的季節，煙燻味香

最後係一塊餅及一杯綠茶。講真，因為我唔識聽，所以我覺得幾無謂，但你知道日本人，所有事情都做得好細緻，雖然成件事就係一個烹飪示範，但用左藝術包裝，成件事又好似變左另一層次

若你無參予藝術點餐，其實島上都有幾間餐廳營業，唔怕餓死。呢間對海cafe，入面都有展館，不過今日展品無開放

亦有烏冬麵店

遊過田野，再來海邊

海邊都有大型藝術展品

藝術

海邊有間餐廳，好有度假feel

碼頭的海鷗，都係藝術

島上有guesthouse，喜歡的可以住一晚，享受寧靜

話明係鬼之島，島上好多鬼石象，不過全部都係可愛鬼鬼

除左鬼，仲有好多貓，島上貓踪處處