Foodie 生活雜誌

有時假期少，又想離開香港，澳門係一個好選擇，奈何皮費貴，一家幾口都幾襟計。今次同大家分享三個小朋友玩的活動，兩個免費，一個接近免費，全部活動經少爺仔親身試驗，玩到唔捨得走。大人慳錢，小朋友又開心，真係win win 啦。

先去氹仔的大潭山郊野公園玩滑草，公園在山頂，可以坐的士，或者行上去，若選擇行路，機塲對面有間金皇冠中國大酒店，喺度坐𨋢上，行少好多路，上到去再行約十分鐘斜路就到

坐電梯

出左酒店過對面馬路轉左，向上行會見右手面有條樓梯，

行上樓梯穿過一個小小民族博物館，再向上行就係大潭山郊野公園

不過條路幾斜，建議大家上山就坐車，落山先行路

滑草場入口

行一段小路就到

簡單一個人造草小斜坡，坐住個兜滑落去，大小朋友都玩到癲

費用全免，但要滑完要攞番個兜上去起點交比輪侯者，要玩自己再排隊

草地會定時灑水，有機會弄滑褲仔

自己的兜自己攞

公園在山上，一面可以睇到氹仔機場

一面可以睇到氹仔大橋

另一個玩樂點 : 燒灰爐公園，在本島，近西灣街，喺大馬路行二十分鐘左右就到

係一個好普通的市民休憩公園，不過入面有電動車玩

小小的一角，但比小朋友就夠玩，大人又可以一眼睇哂，夠安全。最重要係$5可以玩15分鐘，5歲以下小朋友應該覺得有趣，少爺仔就好享受了。

最後去左何東圖書館，又可以行下古蹟，行到攰去色彩繽紛的兒童圖書館休息下睇下書，好舒服。

兒童圖書館彩色隧道