Foodie 生活雜誌

其實只需一句 : 全日高鐵~完。😝😝原本八個幾鐘高鐵，點知delay廿幾分鐘，結果搭左九個幾鐘高鐵，坐到呆左。到埗後打車到酒店，去樓下晚餐後高回酒店休息了。

講下坐高鐵的感受。之前試過坐高鐵去廣州，但已經係幾年之前，忘記了。況且今次坐長途，完全可以深入體驗。我買一等座，車廂及坐位設計同坐日本JR差不多，整段車程坐得舒適，只係長途車試一次就夠，因為車程太長真係幾辛苦。不過日後四小時以內的車程我都會選擇高鐵，真係舒適快捷。

今次坐高鐵由香港至昆明，車程八個半鐘，中途停五個站。咪以為坐高鐵好似坐地鐵咁方佢，因為要過關，所以同坐飛機一樣，要早兩小時到車站check in。我坐中午1206車，由於暑假關係，要過關及檢查行李都排哂大隊，所以我地十點半就入閘。我地買一等坐，坐得舒服。

一地兩檢好方便，雖然暑假關係好多人，但秩序好好。

侯車處好大，有好多座位，無食店，要食就喺出面食，亦可外賣帶入來食，有水機可斟水。

先揾啱月台，開車前十五分鐘開始放閘入月台，我因為行李多，要早點上車至有位放行李，所以半小時前已排隊，點知有好多人早過我。

好彩早上車放行李，因為行理架好快滿，後來的人已無位，要放走廊或椅背了，規例話行李總面積唔可以多過130cm，約24吋喼，不過我見無人理，30吋喼都係咁帶。我地團隊都有兩個29吋喼。

車長十幾卡，我太多時間，由頭行到尾，睇哂咁多車廂。商務座車廂在頭尾，每卡得5個位，一等座都係得兩卡，每卡60個坐位，其餘全部係二等座，二等座座位較窄及人多，建議銀根唔太緊的都係訂一等座好了。

有零食盒送

最重要的叉電掣，記得帶線

衛生間分踎厠及坐厠，洗手盤設在外，旁邊有冷熱水機。

車廂乾淨，職員定時抹地及清潔衛生間。

服務員會不定時推車售賣食物，有免費茶水供應。亦可自行到餐卡購買食物，但無位坐。

有飯盒、小食、果茶，幾多選擇

途經桂林，風景好靚，要plan下先

車速最高去到290km/1，車廂非常穩定，讚👍🏻

坐左八個幾鐘，沿途短暫停左5個站，感覺良好，似坐JR，可惜乘客無JR咁守禮，一大班往集訓的香港年輕人從上車開始喺車廂吵鬧足足六小時，點解係六小時？因為被投訴，所以最後至靜左兩小時。深感無奈，若唔係咁，我的乖車經驗會更美好。不過時間實在太長，體驗一次高夠。

一出閘就用高德call 車，非常方便，十多分鐘就到酒店。今晚住apartment 式酒店，喺大厦內，一幢大樓入面有十幾間酒店，每間佔幾層，似重慶大廈。

每間酒店都喺地下有check in counter

我住厚品酒店，訂左兩房apartment房間，整齊清潔，地方唔錯，不過大厦只得四架電梯，要等好耐，而且人太多，不推薦。

放低行李立即醫肚。樓下好熱鬧，好多街頭小食

我地揀左雲南過橋米線。