Foodie 生活雜誌

湯村溫泉的住宿比較平實，揀的時候有點難度，反正為温泉而來，最後決定以温泉的環境取決。呢間無論裝修及服務都好傳統的中型温泉旅館，老闆係女士，喺晚餐來打招呼，用英文寒暄兩句，一個女人要掌管咁大間旅館，真不容易。旅館有點歷史，但整潔乾淨，該有的設施及服務都有了，膳食水準一般，温泉比相片遜色，但總體不過不失，價錢實惠，可以一住。

酒店有六層，屬中小型旅館，welcome 抹茶

今次房型係一般客室（和室12畳），無花無假，真係好一般。

個室晚餐，其實係同層另一間客房加張枱變身。可能疫情期間無乜客，不如將租唔出的房間變個室用餐區，增加高級感。

晚餐一般，其實近年的温泉酒店膳食已無驚喜。今餐額外點左時令生蠔，點知原來套餐都有蠔，早知慳番

早餐

有兩款米飯選擇，幾認真

温泉分男女兩邊，早晚互換。

露天温泉區都幾大，浸親都無人，包場。其實我鍾意大浴場多過自己房浸，因為地方大，環境佈置又靚d。

有桑拿

温泉區最唔好係電梯唔到，要再行一層樓梯落去，對太后唔多方便

有按摩區，太后好鍾意

茶水供應

旅館地下有手信店，迎客大廳

幾欣賞酒店的插花，睇得出老闆對旅館花左好多心血，細節位都做到足。

旅館都幾受歡迎㗎，老闆都有上鏡

離開時送上小禮物，係香枝，啱哂我，加分😍